Big Boss: ఈ వారం ఓకే, నెక్స్ట్ వీక్ మాత్రం.. బిగ్‌బాస్ మాస్టర్ ప్లాన్

బుల్లితెర సెన్సేషన్ బిగ్‌బాస్ తెలుగు సీజన్ 8 ఆసక్తికరంగా సాగుతోంది. ఇప్పటికే పది వారాలు ముగియడంతో 12 మంది ఎలిమినేట్ అయ్యారు. మొత్తం 14 మంది కంటెస్టెంట్స్ తో స్టార్ట్ అయినా ఈ సీజన్ లో 8 మంది వైల్డ్ కార్డు ఎంట్రీ ఇచ్చారు. ఇందులో పదిమంది ఎలిమినేట్ కాగా ఇద్దరు సెల్ఫ్ నామినేషన్ ద్వారా హౌస్ వదిలి వెళ్లారు. ప్రస్తుతం హౌస్ లో 10 మంది టైటిల్ కోసం పోరాడుతున్నారు. అయితే ఈ 11వ వారం ఎవరు ఎలిమినేట్ కానున్నారని సర్వత్రా ఆసక్తి నెలకొంది. ఈ నేపథ్యంలోనే బిగ్‌బాస్ పెద్ద సర్ప్రైజ్ ప్లాన్ చేసినట్లు తెలుస్తోంది. ఇంతకీ ఏమైందంటే..

వీకెండ్ కావడంతో బిగ్ బాస్ హౌస్ లో ఆహ్లాదకరమైన వాతావరణం నెలకొంది. దీంతో ప్రతి ఒక్క కంటెస్టెంట్స్ ఫ్యామిలీ హౌస్ అడుగు పెట్టి కంటెస్టెంట్స్ ని ఫైనల్ వార్ కి సిద్ధం చేశారు. నేడు సండే ఫన్ డే కావడంతో మరిన్ని ఎంటర్ టెన్ మెంట్ ప్రోగ్రామ్స్ తో నాగార్జున హౌస్ మేట్స్ లో ఉషారు పెంచారు. ఇక ఫైనల్ గా ఎలిమినేషన్ లో అందరికీ చుక్కలు కనిపించాయి.

ఈ వారం ఎలిమినేషన్ లో గౌతమ్, యష్మీ, పృథ్వీ ,టేస్టీ తేజ, విష్ణు ప్రియ, అవినాష్ నిలిచారు. ఇందులో గౌతమ్, యష్మీ, పృథ్వీ ,విష్ణు ప్రియ సేఫ్ అయ్యారు. చివరికి టేస్టీ తేజ, అవినాష్ నిలిచారు. ఇకపోతే నబీల్ దగ్గర ఎవిక్షన్ షీల్డ్ ఉన్న విషయం తెలిసిందే. దీంతో ఎలిమినేషన్ లో ఉన్న ఒకరిని కాపాడుకోవచ్చు. దీంతో నాగార్జున నబీల్ ని ఈ ఇద్దరిలో ఎవరినైనా సేవ్ చేద్దాం అనుకుంటున్నావా అని అడిగారు. దీనికి నబీల్ అవును అని సమాధానమిచ్చాడు. నబీల్ ఈ కార్డు ని టేస్టీ తేజ కోసం ఉపయోగించడంతో అవినాష్ ఎలిమినేట్ అయ్యినట్లు తెలుస్తోంది. కానీ.. ఇక్కడే అసలైన ట్విస్ట్ ఇచ్చారు బిగ్ బాస్

గతవారం డబుల్ ఎలిమినేషన్ జరగడంతో ఈ వారం ఎలిమినేషన్స్ క్యాన్సిల్ చేసేశారు. సో, నబీల్ ఎవిక్షన్ షీల్డ్ వాడిన అది వేస్ట్ అయిపోయింది. కార్డు సాధించిన నబీల్‌కి దాని సద్వినియోగం చేసుకునే అవకాశాన్ని పోగొట్టారు బిగ్‌బాస్. అయితే సీజన్ ముగింపు దశలో ఉండటంతో నెక్స్ట్ వీక్ డబుల్ ఎలిమినేషన్ ప్లాన్ చేస్తున్నాడట బిగ్‌బాస్