థియేట‌ర్ల‌లో సినిమాల జాత‌ర‌.. ఈ వారం విడుద‌లవుతున్న చిత్రాలివే!

ABN , Publish Date - Feb 22 , 2024 | 03:33 PM

ఫిబ్ర‌వ‌రి 23 శుక్ర‌వారం రోజున థియేటర్ల‌లో సినిమాల దండ‌యాత్ర ఉండ‌నుంది. ఒక‌టి కాదు రెండు కాదు ఏకంగా 20 సినిమాలు వ‌ర‌కు విడుద‌ల కానున్నాయి. వీటిలో తెలుగు చిత్రాలే 11 వ‌ర‌కు ఉండ‌గా హిందీ, ఇంగ్లీష్ క‌లిపి మ‌రో 9 సినిమాలు రిలీజ్ అవ‌నున్నాయి.

థియేట‌ర్ల‌లో సినిమాల జాత‌ర‌.. ఈ వారం విడుద‌లవుతున్న చిత్రాలివే!

theater movies

ఈ వారం ఫిబ్ర‌వ‌రి 23 శుక్ర‌వారం రోజున థియేటర్ల‌లో సినిమాల దండ‌యాత్ర ఉండ‌నుంది. ఒక‌టి కాదు రెండు కాదు ఏకంగా 20 సినిమాలు వ‌ర‌కు విడుద‌ల కానున్నాయి. వీటిలో తెలుగు చిత్రాలే 10 వ‌ర‌కు ఉండ‌గా హిందీ , ఇంగ్లీష్ క‌లిపి మ‌రో 9 సినిమాలు రిలీజ్ అవ‌నున్నాయి. అందులో మూడు పెద్ద చిత్రాలు కాగా మిగ‌తావ‌న్నీ చిన్న చిత్రాలు కాగా రెండు డ‌బ్బింగ్ సినిమాలు ఉన్నాయ్‌.

అయితే శుక్ర‌వారం విడుద‌ల కానున్న చిత్రాల్లో సుంద‌రం మాస్ట‌ర్‌, సిద్ధార్థ రాయ్, మ‌స్తు షేడ్స్ ఉన్నాయ్ రా వంటివి నాలుగు ప్ర‌ధాన‌ స్టెయిట్ తెలుగు సినిమాలు ఉన్నాయి. వీటిలో పేరున్న న‌టులు న‌టించ‌డంతో వాట‌న్నింటిపై ప్రేక్ష‌కుల్లో మంచి అంచ‌నాలు ఉన్నాయ్‌. వీటితో పాటు మ‌ల‌యాళంలో ఇటీవ‌ల విడుద‌లై మంచి విజ‌యం సాధించిన మ‌మ్ముట్టి న‌టించిన హ‌ర్ర‌ర్ చిత్రం భ్ర‌మ‌యుగం, త‌మిళ స్టార్ హీరో జ‌యం ర‌వి, కీర్తి సురేశ్‌, అనుప‌మా ప‌ర‌మేశ్వ‌ర‌న్ న‌టించిన యాక్ష‌న్ థ్రిల్ల‌ర్ సైర‌న్ వంటి రెండు డ‌బ్బింగ్ చిత్రాలు విడుద‌ల కానున్నాయి.

ఇదిలాఉండ‌గా హిందీలో తెలుగులో ఊస‌ర‌వెల్లి, శ‌క్తి , తుఫాకి సినిమాల‌లో విల‌న్‌గా న‌టించిన బాలీవ‌డ్ న‌టుడు విద్యుత్ జ‌మ్వాల్ న‌టించిన హిందీ స్పోర్ట్స్‌, యాక్ష‌న్, థ్రిల్ల‌ర్ క్రాక్‌, యామీ గౌత‌మ్‌, ప్రియ‌మ‌ణి ప్ర‌ధాన పాత్ర‌ల్లో క‌శ్మీర్ ఆర్టిక‌ల్ స‌మ‌స్య‌పై తెర‌కెక్కించిన ఆర్టిక‌ల్ 370 అనే రెండు పెద్ద చిత్రాలు విడుద‌ల కానున్నాయి. ఇక హాలీవుడ్‌లోనూ తెలుగమ్మాయి అవంతిక వంద‌న‌పు న‌టించిన మీన్ గ‌ర్ల్స్‌2 చిత్రంతో పాటు మ‌రో మూడు ఇంగ్లీష్ చిత్రాలు రిలీజ్ కానున్న‌యి. సో.. సినిమా అభిమానులు మీకు న‌చ్చిన స‌మ‌యాన్ని మీ స‌మ‌యాన్ని బ‌ట్టి చూసేయండి.