ఫహాద్పై సుమోటో కేసు
ABN , Publish Date - Jun 30 , 2024 | 06:43 AM
మలయాళ నటుడు, నిర్మాత ఫహాద్ ఫాజిల్పై కేరళ మానవ హక్కుల సంఘం సుమోటో కేసు నమోదు చేసింది. దీనిక్కారణం ఆయన నిర్మిస్తున్న ‘పింకేలీ’ సినిమా షూటింగ్.
![ఫహాద్పై సుమోటో కేసు](https://media.chitrajyothy.com/media/2024/20240625/fahadh_f802cd10aa_v_jpg.webp)
మలయాళ నటుడు, నిర్మాత ఫహాద్ ఫాజిల్పై కేరళ మానవ హక్కుల సంఘం సుమోటో కేసు నమోదు చేసింది. దీనిక్కారణం ఆయన నిర్మిస్తున్న ‘పింకేలీ’ సినిమా షూటింగ్. అంగమలైలోని ఎర్నాకులం ప్రభుత్వ ఆస్పత్రిలో గురువారం రాత్రంతా ఈ సినిమా కోసం షూటింగు చేయడంతో అక్కడున్న రోగులంతా ఇబ్బంది పడ్డారు. ఆస్పత్రి లోపలికి ఎవరినీ అనుమతించకుండా అత్యవసర విభాగం అనుమతి తీసుకోకుండా షూటింగ్ చేశారనేది ఆరోపణ. దీనిపై ఎర్నాకులం జిల్లా వైద్యాధికారి బీనా కుమారి సీరియస్ అయ్యారు. ఏడు రోజుల్లో ఈ వ్యవహారంపై వివరణ ఇవ్వాలని ఆదేశించారు. ఈ వ్యవహారాన్ని సుమోటోగా తీసుకున్న కేరళ మానవ హక్కుల సంఘం నిర్మాత ఫహాద్పై కేసు నమోదు చేసింది.