Allu Arjun: అండగా ఉన్నందుకు.. అల్లు అర్జున్‌కు కృతజ్ఞతలు: SKN

వైవిధ్య‌మైన క‌థ‌ల‌తో, క‌మ‌ర్షియ‌ల్ చిత్రాలు నిర్మిస్తూ, అభిరుచి గ‌ల నిర్మాత‌గా గుర్తింపు పొందిన నిర్మాత ఎస్‌కెఎన్‌. ఇటీవల ఆయ‌న త‌న తండ్రిని కోల్పోయిన సంగ‌తి తెలిసిందే. ఇంకా ఎస్‌కెఎన్ (SKN) మరియు అతని కుటుంబం అంతా తన తండ్రి మరణంతో బాధలో ఉన్నారు. కాగా ఈ రోజు ఐకాన్‌స్టార్ అల్లు అర్జున్ (Allu Arjun) హైదరాబాద్‌లోని ఎస్‌ కె ఎన్ నివాసానికి వెళ్లి ఆయనకు ఓదార్పునిచ్చాడు. ఎస్‌కెఎన్ తండ్రి చిత్ర ప‌టానికి నివాళులర్పించారు.

మొద‌ట్నుంచి అల్లు అర్జున్ అంటే బాగా ఇష్ట‌ప‌డే ఎస్‌కెఎన్ (SKN) ఇంటికి బ‌న్నీ రావడం ఎస్‌కేఎన్‌కి చాలా ఓదార్పునిచ్చింది. ఇలాంటి క‌ష్ట సమయంలో నా ఇంటికి వచ్చినందుకు, నాకు ధైర్యం చెప్పినందుకు నా ప్రియమైన ఐకాన్ స్టార్ అల్లు అర్జున్ (Allu Arjun) గారికి నేను చాలా కృతజ్ఞతలు తెలుపుతున్నాను. మా నాన్నగారి మృతికి ఆయన వచ్చి సానుభూతి మరియు సంతాపం తెలియ జేసినందుకు ధన్యవాదాలు అంటు ఎస్‌కెఎన్ (SKN) కృత‌జ్ఞ‌త‌లు తెలిపారు. 'బేబీ', 'టాక్సీవాలా' వంటి విజయవంతమైన చిత్రాలతో ఎస్‌కేఎన్ అంద‌రికి సుప‌రిచితుడే.