Krish weds Priti: సైలెంట్‌గా రెండో పెళ్లి చేసుకున్న క్రిష్.. పెళ్లి ఫొటోలు వైరల్
ABN , Publish Date - Nov 11 , 2024 | 06:28 PM
‘వేదం, గమ్యం, కంచె, గౌతమి పుత్ర శాతకర్ణి’ చిత్రాలతో టాలీవుడ్‌లో తిరుగులేని ఇమేజ్‌ని సొంతం చేసుకున్న దర్శకుడు క్రిష్. ఇప్పుడాయన రెండో వివాహం చేసుకున్నారు. ఇంతకు ముందు డాక్టర్ రమ్యని వివాహమాడి విడాకులు తీసుకున్న క్రిష్.. ఇప్పుడు మరో డాక్టర్ ప్రీతిని రెండో పెళ్లి చేసుకున్నారు. ఆ వివరాల్లోకి వెళితే..
టాలీవుడ్‌లో దర్శకుడిగా తనకంటూ ఓ ప్రత్యేక గుర్తింపును సొంతం చేసుకున్న దర్శకుడు క్రిష్. ‘వేదం, గమ్యం, కంచె, గౌతమి పుత్ర శాతకర్ణి’ చిత్రాలతో పాటు పవన్ కళ్యాణ్ ‘హరిహర వీరమల్లు’ పార్ట్ 1 చిత్రానికి మొట్టమొదటి దర్శకుడిగా పని చేసిన క్రిష్.. బాలీవుడ్‌లోనూ తనదైన గుర్తింపును సొంతం చేసుకున్నారు. డైరెక్టర్‌గా తిరుగులేని స్టార్ డమ్ ఉన్న క్రిష్ వైవాహిక జీవితంలో మాత్రం ఇప్పటికే ఒక పెళ్లి చేసుకుని, విడాకులు కూడా తీసుకున్నారు. ఇప్పుడు సైలెంట్‌గా రెండో పెళ్లి చేసుకున్నారు. ఆ వివరాల్లోకి వెళితే..
Also Read- Pushpa2 The Rule: ‘పుష్ప-2 ది రూల్’ ట్రైలర్ రిలీజ్ డేట్ అండ్ టైమ్
తాజాగా డైరెక్టర్ క్రిష్ రెండో పెళ్లి చేసుకున్నారు. ఇంతకు ముందు డాక్టర్ రమ్య వెలగ అనే అమ్మాయిని పెళ్లి చేసుకున్న క్రిష్, ఇద్దరి మధ్య మనస్పర్థలు రావడంతో విడాకులు తీసుకున్నారు. ఇప్పుడు మరో డాక్టర్ అయిన ప్రీతి చల్లాను రెండో వివాహం చేసుకున్నారు. ఈ పెళ్లికి సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి. వాస్తవానికి కొన్ని రోజులుగా డైరెక్టర్ క్రిష్ రెండో పెళ్లికి సంబంధించి వార్తలు వైరల్ అవుతూనే ఉన్నాయి. కానీ క్రిష్ సైడ్ నుంచి మాత్రం ఎటువంటి అధికారిక ప్రకటన రాలేదు. ఇప్పుడు పెళ్లి అనంతరం కొన్ని ఫొటోలతో కూడిన ఓ వీడియోను వారు షేర్ చేశారు. ఈ వీడియో ఇప్పుడు వైరల్ అవుతోంది.
డైరెక్టర్ క్రిష్, డాక్టర్ ప్రీతి చల్లా వివాహం చేసుకున్నట్లుగా సోషల్ మీడియా ద్వారా అధికారికంగా ప్రకటించారు. ప్రీతి విషయానికి వస్తే.. చల్లా హాస్పిటల్స్ ఫ్యామిలీకి చెందిన ఆమె చెన్నైలోని శ్రీరామచంద్ర యూనివర్సిటీలో MBBS, గైనకాలజిస్ట్‌లో MS చేసిందని, ప్రస్తుతం చల్లా హాస్పిటల్‌లో సీనియర్ గైనకాలజిస్ట్‌గా చేస్తూ హాస్పిటల్ బాధ్యతలు చూసుకుంటున్నట్లుగా తెలుస్తోంది. ఆమెకు కూడా ఇది రెండో పెళ్లే అని కూడా టాక్ నడుస్తోంది. ఇక ఈ నూతన జంటకు సోషల్ మీడియా వేదికగా శుభాకాంక్షలు వెల్లువెత్తుతున్నాయి. ప్రస్తుతం క్రిష్ ‘హరి హర వీరమల్లు’ చిత్రం నుండి తప్పుకుని.. స్వీటీ అనుష్క‌తో ‘ఘాటీ’ అనే సినిమా చేస్తున్నారు. ఈ చిత్ర ఫస్ట్ లుక్‌ని రీసెంట్‌గా అనుష్క పుట్టినరోజున విడుదల చేశారు.
