CID: బుల్లితెర ఆడియెన్స్‌కి గుడ్ న్యూస్.. రెండు దశాబ్దాలు స్మాల్ స్క్రీన్‌ని ఏలిన షో వచ్చేసింది
ABN , Publish Date - Oct 25 , 2024 | 04:08 PM
చిన్న, పెద్ద తేడా లేకుండా అందరి ఫేవరెట్. ఒరిజినల్ హిందీ వెర్షన్ అయినా దేశంలో అన్ని భాషల్లో డబ్ అయ్యి సూపర్ హిట్ అయ్యింది. ఈ సీరియల్‌లోని ఒక్కో క్యారెక్టర్ ఒక్కొక్కరి ఫేవరెట్. కాగా, తాజాగా ఈ సీరియల్ ని తిరిగి ప్రారంభిస్తున్నామని మేకర్స్ ప్రకటించడంతో అభిమానులు ఎగిరి గంతేస్తున్నారు. ఇంతకీ ఆ సీరియల్ ఏంటంటే..
బుల్లితెర అభిమానులను రెండు దశాబ్దాలు ఉర్రూతలూగించిన స్మాల్ స్క్రీన్ సీరియల్ తిరిగొచ్చేసింది. ఆద్యంతం ఒళ్లు గగుర్పొడిచే క్రైమ్స్, అంతకు మించిన స్క్యామ్స్ వాటిని తమ సాహసాలతో పట్టుకునే పోలీసులు థ్రిల్లింగ్ సినిమాలను తలపించే ఈ సీరియల్ చిన్న, పెద్ద తేడా లేకుండా అందరి ఫేవరెట్. ఒరిజినల్ హిందీ వెర్షన్ అయినా దేశంలో అన్ని భాషల్లో డబ్ అయ్యి సూపర్ హిట్ అయ్యింది. ఈ సీరియల్‌లోని ఒక్కో క్యారెక్టర్ ఒక్కొక్కరి ఫేవరెట్. కాగా, తాజాగా ఈ సీరియల్ ని తిరిగి ప్రారంభిస్తున్నామని మేకర్స్ ప్రకటించడంతో అభిమానులు ఎగిరి గంతేస్తున్నారు. ఇంతకీ ఆ సీరియల్ ఏంటంటే..
1998లో ప్రారంభమై 2018 వరకు ప్రేక్షకుల మదిని దోచుకొని సూపర్ డూపర్ హిట్ సాధించిన సీరియల్ సీఐడీ. ఈ సీరియల్ కోసం రాత్రి ఎప్పుడవుతుండడని ప్రేక్షకుల మొత్తం డే లో వెయిట్ చేసేవారు. ఈ మెగా ధారావాహికలో శివాజీ సతం, ఆదిత్య శ్రీవాత్సవ, దయానంద్‌ శెట్టి, నరేంద్ర గుప్త, అన్ష సాయేద్‌ ప్రధాన పాత్రల్లో నటించారు. ఏసీపీ ప్రద్యుమన్, దయా, అభిజీత్, ప్రదీప్ ఇలా ప్రతి ఒక్కరు ఆడియెన్స్ మనసులో నిలిచినా నటీనటులే. తాజాగా మేకర్స్ సిక్స్ ఇయర్స్ గ్యాప్ తర్వాత కంబ్యాక్ ఇస్తున్నామని అక్టోబర్ 26న ప్రోమో రిలీజ్ చేయనున్నట్లు ప్రకటించారు. దీంతో సీఐడీ ఫ్యాన్స్ ఫుల్ ఖుషి అవుతున్నారు.
మరోవైపు ఫ్రెడరిక్స్ తెలుగులో ప్రదీప్‌గా నటించిన దినేష్ ఫడ్నవిస్ 2023లో మరణించాడు. తనదైన హాస్యంతో షోలో ప్రత్యేకమైన మార్క్ వేసిన దినేష్ లేకుండానే సీజన్ 2 చూడాలంటూ కొంతమంది ఫ్యాన్స్ ఆవేదన వ్యక్తం చేస్తున్నారు. అలాగే సీరియల్ ప్రొడ్యూసర్ ప్రదీప్ ఉప్పూర్ కూడా మరణించారు.