Matka: వరుణ్ తేజ్ హిట్ కొట్టాడా.. మట్కా 'ట్విట్టర్' రివ్యూ
ABN , Publish Date - Nov 14 , 2024 | 10:27 AM
వరుస ప్లాప్స్ సతమతవుతున్న వరుణ్ తేజ్ 'మట్కా' సినిమాతో హిట్ కొట్టాడా లేదా? ట్విట్టర్ రివ్యూస్ ఎలా ఉన్నాయంటే..
మెగా ప్రిన్స్ వరుణ్ తేజ్ (Varun Tej) మోస్ట్ ఎవైటెడ్ మూవీ 'మట్కా'. కరుణ కుమార్ దర్శకత్వం వహిస్తున్నఈ మూవీ టీజర్, ట్రైలర్ హ్యుజ్ బజ్ క్రియేట్ చేశాయి. స్టార్ మ్యూజిక్ డైరెక్టర్ జివి ప్రకాష్ కుమార్ కంపోజ్ చేసిన మట్కా (Matka) ఆల్బమ్ చార్ట్ బస్టర్ హిట్ అయ్యింది. ప్రేక్షకులు ఎంతగానో ఎదురుచూస్తున్న 'మట్కా' ఈరోజు (నవంబర్ 14) గ్రాండ్ రిలీజ్ అయ్యింది. దీంతో వరుణ్ తేజ్ హిట్ కొట్టాడా లేదా? ట్విట్టర్ రివ్యూస్ ఎలా ఉన్నాయంటే..
వరుస ప్లాప్స్ సతమతవుతున్న వరుణ్ తేజ్ కి 'మట్కా' సినిమా బిగ్ రిలీఫ్ అవుతుందని భావించారు. కానీ.. ఈ సినిమాకి మిక్స్‌డ్ టాక్ వినిపిస్తోంది. వరుణ్ తేజ్ ఇంటెన్స్ రోల్‌లో అదరగొట్టాడు అంటున్నారు. డైరెక్టర్ కరుణ కుమార్ స్క్రీన్ ప్లే‌కి మంచి మార్క్స్ పడుతున్నాయి. జీవీ ప్రకాష్ కుమార్ మ్యూజిక్ కూడా హైలెట్‌గా నిలిచిందంటున్నారు. ఇది వరుణ్ కెరీర్‌లోనే బెస్ట్ రోల్ అంటున్నారు. కానీ.. ఇదంతా మెగా అభిమానుల రివ్యూ మాత్రమే అసలు రివ్యూ వేరే ఉందంటూ కొందరు కామెంట్స్ చేస్తున్నారు.
వరుణ్ యాక్టింగ్ ఆపేస్తే బెటర్ అని యాంటీ ఫ్యాన్స్ ఎటాక్ చేస్తున్నారు. బ్యాడ్ రిలీజ్ డేట్, బ్యాడ్ సాంగ్స్, బ్యాడ్ ఫిల్మ్ అంటున్నారు. ఇక న్యుట్రాల్ పేజీలు ఈ సినిమాకి మిక్స్‌డ్ రివ్యూస్ ఇస్తున్నాయి. వరుణ్ నటన హైలెట్‌గా నిలిచిందంటున్నారు.
అయితే తెలుగు ప్రేక్షకులు కూడా తమ మొదటి ప్రిఫరెన్స్ 'కంగువ'కి ఇవ్వడంతో 'మట్కా' రివ్యూస్ ఆలస్యమవుతున్నాయి. మరోవైపు ఈ సినిమాపై ఫ్యాన్స్, యాంటీ ఫ్యాన్స్ రివ్యూస్ మాత్రమే కనిపిస్తున్నాయి కాబట్టి ట్విట్టర్ రివ్యూలను జెన్యూన్‌గా నమ్మలేము. ఈ సినిమా అసలు రివ్యూ కోసం మరికొన్ని గంటలు ఆగాల్సిందే.