ప్రతీ ఒక్కరికీ కనెక్ట్‌ అవుతుంది
ABN , Publish Date - Nov 19 , 2024 | 06:13 AM
సత్యదేవ్‌, డాలీ ధనంజయ, ప్రియా భవానీశంకర్‌ నటించిన చిత్రం ‘జీబ్రా’. ఈశ్వర్‌కార్తీక్‌ దర్శకత్వంలో ఎస్‌ఎన్‌రెడ్డి, ఎస్‌.పద్మజ, బాల సుందరమ్‌, దినేశ్‌ సుందరమ్‌ నిర్మించారు. ఈ నెల 22న చిత్రం
సత్యదేవ్‌, డాలీ ధనంజయ, ప్రియా భవానీశంకర్‌ నటించిన చిత్రం ‘జీబ్రా’. ఈశ్వర్‌కార్తీక్‌ దర్శకత్వంలో ఎస్‌ఎన్‌రెడ్డి, ఎస్‌.పద్మజ, బాల సుందరమ్‌, దినేశ్‌ సుందరమ్‌ నిర్మించారు. ఈ నెల 22న చిత్రం విడుదలవుతోన్న సందర్భంగా డైరెక్టర్‌ ఈశ్వర్‌కార్తీక్‌ మీడియాతో ముచ్చటించారు. ‘‘జీబ్రా’ ప్రేక్షకులకు సరికొత్త ప్రపంచాన్ని పరిచయం చేస్తుంది. కమర్షియల్‌ ఎలిమెంట్స్‌తో పాటు ఆర్టిస్టిక్‌ ఎలిమెంట్స్‌ను బ్లెండ్‌ చేసిన చిత్రమిది. ఇందులో ఉన్న అన్ని అంశాలు ప్రేక్షకులను విపరీతంగా ఆకట్టుకుంటాయి. కొన్ని వాస్తవ సంఘటనల ఆధారంగా ఈ కథను రాసుకున్నాను. కామన్‌ మ్యాన్‌ వ్యూ పాయింట్‌ నుంచి మొదలయ్యే ఈ సినిమా కథాంశం బ్యాంకింగ్‌, మనీ ల్యాండరింగ్‌ ఆధారంగా నడుస్తుంది. ప్రతీ ఒక్కరికీ కనెక్ట్‌ అయ్యే చిత్రమిది. రవి బస్రూర్‌ అద్భుతమైన సంగీతాన్ని అందించారు. సినిమా తప్పకుండా అందరికీ నచ్చుతుంది’’ అని చెప్పారు.