అపరిచితుడు కాన్సెప్ట్‌తో

జగదీష్‌ ఆమంచి కథానాయకుడిగా నటిస్తూ, స్వీయ దర్శకత్వంలో తెరకెక్కిస్తున్న చిత్రం ‘యముడు’. ‘ధర్మో రక్షతి రక్షితః’ అనేది ఉపశీర్షిక. థ్రిల్లర్‌ జానర్‌లో తెరకెక్కిన ఈ చిత్రం షూటింగ్‌ పూర్తయింది. డిసెంబర్‌లో ప్రేక్షకుల ముందుకు రానుంది. చిత్రబృందం ప్రచార కార్యక్రమాలను ప్రారంభించింది. గురువారం ‘యముడు’ ఫస్ట్‌లుక్‌ పోస్టర్‌ను ప్రముఖ నిర్మాత రాజ్‌ కందుకూరి చేతుల మీదుగా విడుదల చేశారు. జగదీశ్‌ ఆమంచి మాట్లాడుతూ ‘విక్రమ్‌ నటించిన ‘అపరిచితుడు’ చిత్రం కాన్సెప్ట్‌ తరహాలోనే మా సినిమా కథ కూడా ఉంటుంది. అధర్మానికి పాల్పడేవాళ్లకు యముడు గరుడ పురాణం ప్రకారం శిక్షలు వేస్తుంటాడు. తెలుగు ప్రేక్షకులకు నచ్చే అన్ని హంగులూ మా సినిమాలో ఉన్నాయి’ అని చెప్పారు. ఈ చిత్రంలో శ్రావణి శెట్టి కథానాయిక. ఆకాశ్‌ చల్లా కీలకపాత్ర పోషించారు. సంగీతం: భవానీ రాకేశ్‌. సినిమాటోగ్రఫీ: విష్ణురెడ్డి వంగా