నాన్నకు ప్రేమతో

తండ్రీ కొడుకుల అనుబంధం ఇతివృత్తంగా తెరకెక్కుతోన్న చిత్రం ‘లవ్‌ యువర్‌ ఫాదర్‌’. పవన్‌ కేతిరాజు దర్శకత్వంలో కిశోర్‌ రాఠీ, అన్నపురెడ్డి సామ్రాజ్య లక్ష్మి నిర్మిస్తున్నారు. శ్రీహర్ష, కశిక కపూర్‌, రియా సింగా జంటగా నటిస్తున్నారు. గాయకుడు ఎస్‌పీ చరణ్‌ ఈ చిత్రంలో తండ్రి పాత్ర పోషిస్తున్నారు. ఛత్రపతి శేఖర్‌, రఘుబాబు, భద్రం కీలకపాత్రల్లో నటిస్తున్నారు. ఈ చిత్రం పోస్టర్‌ విడుదల కార్యక్రమాన్ని యూనిట్‌ నిర్వహించింది. కుటుంబ సమేతంగా చూడదగ్గ చిత్రమిదని నిర్మాతలు తెలిపారు. మణిశర్మ సంగీతం ప్రేక్షకులను అలరిస్తుందని దర్శకుడు చెప్పారు.