సంచారి సంచారి... ఎటువైపో నీ దారి

మోహనకృష్ణ ఇంద్రగంటి దర్శకత్వంలో ప్రియదర్శి, రూప కొడువాయూర్‌ జంటగా నటించిన చిత్రం ‘సారంగపాణి జాతకం’. శ్రీదేవీ మూవీస్‌ పతాకంపై శివలెంక కృష్ణప్రసాద్‌ నిర్మించారు. డిసెంబరు 20న థియేటర్లలో విడుదలవుతోంది. ఈ సందర్భంగా చిత్రంలోని రెండో పాట ‘సంచారి సంచారి.. ఎటువైపో నీ దారి’ని మేకర్స్‌ విడుదల చేశారు. ఈ గీతాన్ని రామజోగయ్య శాస్త్రి రాయగా, సంజిత్‌ హేగ్డే ఆలపించారు. వివేక్‌ సాగర్‌ స్వరపరిచారు. ఈ సందర్భంగా చిత్ర దర్శకుడు మోహనకృష్ణ ఇంద్రగంటి మాట్లాడుతూ ‘ఎటువంటి కథలోనైనా భావోద్వేగం లేకపోతే ఆ కథకు పరిపూర్ణత ఉండదు. ఈ సినిమాలో ప్రధానమైన అంశం ప్రేమ. తాను ప్రాణంగా ప్రేమించిన అమ్మాయికి, తన నమ్మకానికి మధ్య నలిగిపోయిన వ్యక్తి కథే ‘సారంగపాణి జాతకం’ అని అన్నారు. ఈ చిత్రంలో నరేశ్‌ విజయకృష్ణ, తనికెళ్ళ భరణి, శ్రీనివాస్‌ అవసరాల, వెన్నెల కిశోర్‌, వైవా హర్ష తదితరులు కీలక పాత్రల్లో నటించారు.