Kannappa: ‘కన్నప్ప’కు వినూత్నంగా ప్రమోషన్స్.. మంచు విష్ణు తన టీమ్‌తో ఏం చేశారంటే
ABN , Publish Date - Oct 25 , 2024 | 08:43 PM
‘కన్నప్ప’ సినిమా విడుదలకు సిద్ధమవుతోన్న సందర్భాన్ని పురస్కరించుకుని టీమ్ ఓ వినూత్న కార్యక్రమానికి శ్రీకారం చుట్టింది. ఇప్పటికే విడుదలైన ఈ సినిమా ప్రమోషనల్ కంటెంట్ సినిమాపై భారీగా అంచనాలను పెంచేయగా.. ప్రపంచవ్యాప్తంగా ఈ సినిమాపై దృష్టి పడేందుకు ‘కన్నప్ప’ టీమ్ అదిరిపోయే ప్లాన్ చేసింది. అదేంటంటే..
‘కన్నప్ప’ (Kannappa) సినిమా విడుదలకు సిద్ధమవుతోన్న సందర్భాన్ని పురస్కరించుకుని టీమ్ ఓ వినూత్న కార్యక్రమానికి శ్రీకారం చుట్టింది. కలెక్షన్ కింగ్ మోహన్ బాబు, విష్ణు మంచు, దర్శకుడు ముఖేష్ కుమార్, నటుడు అర్పిత్ రంకాతో కలిసి కేదార్‌నాథ్, బద్రీనాథ్ రిషికేశ్‌లో ఆధ్యాత్మిక తీర్థయాత్రకు బయలుదేరారు. ఈ బృందం దైవిక ఆశీర్వాదం కోసం ఈ పవిత్ర యాత్రను చేపట్టింది. పన్నెండు జ్యోతిర్లింగాలలో ఒకటైన కేదార్‌నాథ్‌ను ‘కన్నప్ప’ టీం సందర్శించింది. ఆపై బద్రీనాథ్‌లో ప్రార్థనలు కూడా చేశారు. రిషికేశ్ సందర్శనతో వారి ప్రయాణం ముగిసింది.
Also Read-Unstoppable With NBK: బాలయ్య పండుగకు సెలవు కావాలి.. ఇదేందయ్యా ఇది
ఈ ట్రిప్‌పై విష్ణు మంచు మాట్లాడుతూ.. కేదార్‌నాథ్, బద్రీనాథ్, రిషికేష్‌కు రావడం ఆనందంగా ఉంది. పరమ శివుడి పరమ భక్తుడి కథగా ‘కన్నప్ప’ చిత్రం విడుదలకు ముందే మొత్తం 12 జ్యోతిర్లింగాలను సందర్శించాలని (12 Jyotirlingas Visit) లక్ష్యంగా పెట్టుకున్నాము. మా ఎపిక్ యాక్షన్ చిత్రం విడుదల కోసం మేము ఎదురుచూస్తున్నామని అన్నారు. ప్రస్తుతం విష్ణు మంచు షేర్ చేసిన ఈ తీర్థయాత్ర ఫొటోలు వైరల్ అవుతున్నాయి. ‘కన్నప్ప’ ఫస్ట్ లుక్, టీజర్ అభిమానులలో ఉత్సాహాన్ని నింపిన విషయం తెలిసిందే. ‘ది లార్డ్ ఆఫ్ ది రింగ్స్’ వంటి ఇతిహాసాల స్ఫూర్తితో, ప్రముఖ హాలీవుడ్ సినిమాటోగ్రాఫర్ షెల్డన్ చౌ చే న్యూజిలాండ్‌లోని సుందరమైన ప్రకృతి దృశ్యాలలో చిత్రీకరించబడిన ఈ చిత్రం విజువల్ వండర్‌గా ఉండబోతుందని మేకర్స్ చెబుతున్నారు.
ముఖేష్ కుమార్ సింగ్ దర్శకత్వం వహించిన ఈ చిత్రంలో మోహన్‌లాల్, అక్షయ్ కుమార్, ప్రభాస్‌, శరత్ కుమార్‌తో సహా భారీ తారాగణం నటించిన ఈ చిత్రంలో కథానాయకుడిగా నటిస్తున్న విష్ణు మంచు ఈ చిత్రాన్ని.. భక్తి, శౌర్యం, ఆధ్యాత్మిక అన్వేషణతో కూడిన ప్రయాణంగా అభివర్ణించారు. అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై మంచు మోహన్ బాబు ఈ చిత్రాన్ని నిర్మిస్తున్నారు. డిసెంబర్‌లో రిలీజ్ ఉంటుందని ఇప్పటికే మేకర్స్ తెలిపి ఉన్నారు.
