వాసు జీవితానికి వెలుగులాంటి పాత్ర

వరుణ్‌తేజ్‌ హీరోగా నటించిన ‘మట్కా’ చిత్రం గురువారం విడుదలవుతోంది. ఇందులో కథానాయికగా నటించిన మీనాక్షి చౌదరి బుధవారం మీడియాతో మాట్లాడుతూ ‘ఇందులో వరుణ్‌తేజ్‌ వాసుగా నటిస్తే, నేను సుజాత పాత్ర పోషించాను. ఇది మూడు డిఫరెంట్‌ ఫేజుల్లో ఉంటుంది. వాసుతో పాటు ట్రావెల్‌ అయ్యే క్యారెక్టర్‌. ఒక్క మాటలో చెప్పాలంటే వాసు జీవితానికి వెలుగులాంటి పాత్ర ఇది. టీనేజ్‌లో ఒకలా కనిపిస్తాను. లైఫ్‌లో దశలు మారుతున్న కొద్దీ నా లుక్‌లో మార్పు ఉంటుంది. దర్శకుడు కరుణకుమార్‌ లుక్‌ విషయంలో చాలా శ్రద్ధ వహించారు. ఆయన ఎన్నో స్కెచెస్‌ వేసి నా క్యారెక్టర్‌ లుక్‌ డిజైన్‌ చేయించారు. ఇప్పటివరకూ నేను చేసిన పాత్రల్లో డిఫరెంట్‌ లుక్‌ ఉన్న సినిమా ఇది. ఎంజాయ్‌ చేస్తూ ఆ పాత్ర చేశాను’ అన్నారు.

వరుణ్‌తేజ్‌ గురించి వివరిస్తూ ‘చాలా మంచి వ్యక్తి. మంచి సినిమా నాల్జెడ్‌ ఉంది. వాసు పాత్రను అద్భుతంగా పోషించారు. మా కాంబినేషన్లో ఒక సాంగ్‌ ఉంది. అది లవ్‌ సాంగ్‌. ఒక లైఫ్‌ స్టోరీలా ఉంటుంది. ఆ సాంగ్‌ ని డైరెక్టర్‌ గారు చాలా అద్భుతంగా ప్రజెంట్‌ చేశారు. ఈ సినిమా కోసం అందరూ ఎంతో ఎఫర్ట్‌ పెట్టారు. తప్పకుండా సినిమా విజయం సాధిస్తుందనే నమ్మకం ఉంది’ అని చెప్పారు మీనాక్షి.