అందుకే రాటుదేలా

‘నా కెరీర్‌ ఆరంభం నుంచి ఏదైనా కొత్తగా ప్రయత్నించాలనుకున్నాను. అందులో రిస్క్‌ ఎక్కువ ఉంటుంది అని తెలుసు. కానీ నటిగా రాటుదేలాలంటే అదొక్కటే మార్గం అని అర్థం చేసుకున్నాను’ అని జాన్వీకపూర్‌ చెప్పారు. తన సినిమాల ఎంపిక గురించి ఆమె మాట్లాడుతూ ‘కమర్షియల్‌ హంగులు, డ్యూయెట్‌లు, డాన్స్‌లు, ఎక్కువ మందికి రీచ్‌ అయ్యే అవకాశం ఉన్న సినిమా కథలు నా దగ్గరకు చాలా వచ్చాయి. అలాంటి సినిమాలకు సక్సెస్‌ రేటు కూడా ఎక్కువే ఉంటుంది. కానీ నన్ను నేను సవాల్‌ చేసుకోవాలని నిర్ణయించుకున్నాను. స్ర్కిప్ట్‌ చదివినప్పుడు నన్ను ఆశ్చర్యపరిచినవాటినే ఎంచుకున్నాను. సినిమా విజయానికి బాక్సాఫీసును ఎప్పుడూ కొలమానంగా చూడను. నేను మొదట్నుంచి కఠినమైన మార్గాన్నే ఎంచుకున్నాను. సులభంగా ఉండే కథలు, పాత్రలకు దూరంగా ఉన్నాను. నాకు సవాల్‌గా అనిపించే వాటినే అంగీకరించాను. అలా ఇండస్ట్రీలో నా ప్రత్యేకతను నిలబెట్టుకున్నాననే అనుకుంటున్నాను’ అన్నారు.