అది నా దురదృష్టం

మహేశ్‌బాబు, సోనాలి బింద్రే జంటగా కృష్ణవంశీ తెరకెక్కించిన బ్లాక్‌బస్టర్‌ సినిమా ‘మురారి’. ఇటీవలే ఆ సినిమా రీ రిలీజై క్రేజీ కలెక్షన్లు సాధిస్తున్న తరుణంలో దర్శకుడు సోషల్‌ మీడియాలో అభిమానులతో ముచ్చటించారు. వారితో ఓ ఆసక్తికర విషయాన్ని పంచుకున్నారు. ‘‘పవన్‌కల్యాణ్‌తో సినిమా చేయాలనుకున్నాను. ఆయనకు కథ కూడా చెప్పాను. కానీ అది కార్యరూపం దాల్చలేదు. ఒకవేళ ఆయనతో సినిమా చేసి ఉంటే.. అది పెద్ద హిట్టయ్యేది. ఈ విషయంలో నాది దురదృష్టం అనుకోవాలి’’ అని పేర్కొన్నారు. అలాగే, మహేశ్‌బాబు తనయుడు గౌతమ్‌ హీరోగా ‘మురారి’ సీక్వెల్‌ ఉంటుందా అని అభిమానులు ఆయన్ని అడిగారు. ‘‘ఆ సీక్వెల్‌ విషయం గౌతమ్‌ తల్లిదండ్రుల నిర్ణయంపై ఆధారపడి ఉంటుంది’’ అని కృష్ణవంశీ బదులిచ్చారు