Pa Pa: తమిళ బ్లాక్ బస్టర్ చిత్రం తెలుగులో రిలీజ్‌కు రెడీ..
ABN , Publish Date - Dec 29 , 2024 | 09:53 PM
కవిన్, అపర్ణ దాస్ ప్ర‌ధాన పాత్ర‌దారులుగా, డైరెక్ట‌ర్ గణేష్ కె బాబు తెర‌కెక్కించిన ‘డా..డా’ చిత్రం తమిళ ఆడియన్స్‌ని విప‌రీతంగా ఆకట్టుకోగా.. ఇప్పుడీ చిత్రం తెలుగులో ‘పా పా’ పేరుతో విడుదలయ్యేందుకు ముస్తాబవుతోంది. ఈ సినిమా తెలుగులోనూ సంచలన విజయాన్ని నమోదు చేస్తుందని నిర్మాత నీరజ కోట తెలిపారు.
తమిళ బ్లాక్ బస్టర్ విజయాన్ని అందుకున్న ‘డాడా’ మూవీ తెలుగులో ‘పా పా’ టైటిల్‌తో జెకె ఎంటర్టైన్మెంట్స్‌ బ్యానర్‌పై, నిర్మాత నీరజ కోట విడుద‌ల చేయ‌బోతున్నారు. జ‌న‌వ‌రి 3న ఈ మూవీ ఆంధ్ర, తెలంగాణతో పాటు అమెరికా, ఆస్ట్రేలియా థియేట‌ర్‌ల‌లో గ్రాండ్‌గా విడుదలయ్యేందుకు ముస్తాబవుతోంది. ఇటీవ‌ల డైరెక్ట‌ర్ మారుతి విడుద‌ల చేసిన ‘పా.. పా..’ మూవీ ట్రైల‌ర్‌ మంచి స్పందనను రాబట్టుకోవడమే కాకుండా సినిమాపై భారీగా అంచ‌నాలు పెంచేసింది. గ‌త ఏడాది తమిళంలో విడుద‌లైన ‘డా..డా’ మూవీ అక్కడ సెన్సేష‌న‌ల్ హిట్‌గా నిలిచింది.
Also Read- Game Changer: డిప్యూటీ సీఎం డేట్ ఇస్తే.. హిస్టరీ రిపీట్ అవుద్ది..
కవిన్, అపర్ణ దాస్ ప్ర‌ధాన పాత్ర‌దారులుగా, డైరెక్ట‌ర్ గణేష్ కె బాబు తెర‌కెక్కించిన ‘డా..డా’ చిత్రం తమిళ ఆడియన్స్‌ని విప‌రీతంగా ఆకట్టుకుంది. కోలీవుడ్ ఇండ‌స్ట్రీలో డిస్ట్రిబ్యూట‌ర్లకు కాసుల వ‌ర్షం కురిపించింది. అతి త‌క్కువ బ‌డ్జెట్‌తో తెర‌కెక్కిన ‘డా..డా’ చిత్రం.. సుమారు రూ. 30 కోట్లు వసూళ్లు సాధించి బ్లాక్ బస్టర్ విజయాన్ని నమోదు చేసుకుంది. హార్ట్ టచ్ అయ్యే పాటలు ఈ సినిమాకు మరో హైలైట్. ఒకప్పటి పాపులర్ సాంగ్స్ మాదిరిగానే ఈ సినిమా పాటలు స్థిరస్థాయిగా నిలిచిపోవడం ఖాయమని చిత్ర యూనిట్ చెబుతోంది.
తండ్రీ కొడుకుల సెంటిమెంట్‌తో తెరకెక్కి తమిళంలో బ్లాక్ బస్టర్గా నిలిచిన ‘డా..డా’ చిత్రం ‘పా.. పా..’ పేరుతో తెలుగు ప్రేక్ష‌కుల‌ను కూడా బాగా ఆక‌ట్టుకుంటుంద‌ని నిర్మాత నీరజ కోట తెలిపారు. భావోద్వేగం, ప్రేమ, కామెడీ.. ఇవ‌న్నీ సరైన స్థాయిలో మిక్స్ చేసిన ఈ ఫీల్ గుడ్ ఎమోష‌న‌ల్ డ్రామా.. తెలుగు ప్రేక్ష‌కుల‌కు కూడా బాగా క‌నెక్టు అవుతుంద‌ని, ఇక్కడ కూడా బ్లాక్ బస్టర్గా నిలుస్తుందని ఆమె ఆశాభావం వ్యక్తం చేస్తున్నారు. జ‌న‌వ‌రి 3న విడుదల‌య్యే ఈ మూవీని తెలుగు రాష్ట్రాల్లో ఎంజీఎం సంస్థ నుంచి అచ్చిబాబు విడుద‌ల చేయ‌నున్నారు.