NKR21: కళ్యాణ్ రామ్ సినిమాలో ఈవిల్డోర్‌గా సోహైల్ ఖాన్.. ఫస్ట్ లుక్ విడుదల
ABN , Publish Date - Dec 20 , 2024 | 10:41 PM
NKR21 సినిమాతో టాలీవుడ్‌కి పరిచయం కాబోతోన్న సోహైల్ ఖాన్ ఫస్ట్ లుక్‌ని మేకర్స్ విడుదల చేశారు. ఈ ఫస్ట్ లుక్ ఎలా ఉందంటే..
నందమూరి కళ్యాణ్ రామ్ అప్ కమింగ్ యాక్షన్ థ్రిల్లర్ #NKR21 సినిమా నుండి అప్‌డేట్ వచ్చింది. ప్రదీప్ చిలుకూరి దర్శకత్వం వహిస్తున్న ఈ హై-ఆక్టేన్ మూవీ యాక్షన్, ఎమోషనల్ డెప్త్ బ్లెండ్‌తో ఉండబోతోంది. ముప్పా వెంకయ్య చౌదరి సమర్పణలో అశోక క్రియేషన్స్, ఎన్టీఆర్ ఆర్ట్స్ పతాకాలపై అశోక్ వర్ధన్ ముప్పా, సునీల్ బలుసు నిర్మిస్తున్న ఈ సినిమా ప్రేక్షకులకు థ్రిల్లింగ్ రైడ్‌ ఇవ్వబోతోంది. ప్రస్తుతం ఈ సినిమా షూటింగ్ శరవేగంగా జరుగుతోంది. తాజాగా ఈ సినిమాలో ఓ ప్రధాన పాత్ర పోషిస్తున్న సోహైల్ ఖాన్ ఫస్ట్ లుక్‌ని మేకర్స్ వదిలారు.
Also Read-Vidudala Part2: విజయ్ సేతుపతి ‘విడుదల పార్ట్ 2’ ఎలా ఉందంటే..
శుక్రవారం సోహైల్ ఖాన్ పుట్టినరోజును పురస్కరించుకుని ఈ చిత్రంతో టాలీవుడ్‌కి పరిచయం అవుతున్న సోహైల్ ఖాన్ స్టన్నింగ్ లుక్ ప్రస్తుతం వైరల్ అవుతోంది. ఈ స్టన్నింగ్ పోస్టర్‌లో సొహైల్ ఖాన్ బ్లాండ్ అండ్ బ్లాక్‌లో గ్లాసెస్ ధరించి స్టైలిష్ పవర్ ఫుల్ ప్రెజన్స్‌తో కనిపించారు. ఈవిల్డోర్‌గా అతని పాత్ర హైలైట్‌గా ఉంటుంది. ముఖ్యంగా హీరోతో పేస్ అఫ్ రివర్టింగ్ ఎక్స్‌పీరియన్స్ ఇవ్వబోతోందనేది తెలియజేస్తుంది.
ప్రస్తుతం ఈ సినిమా షూటింగ్ హైదరాబాద్‌లోని అల్యూమినియం ఫ్యాక్టరీలో జరుగుతుండగా, నందమూరి కళ్యాణ్ రామ్ షూటింగ్‌లో పాల్గొంటున్నారు. లేడీ సూపర్ స్టార్ విజయశాంతి కీలక పాత్రలో నటిస్తున్న ఈ చిత్రంలో శ్రీకాంత్, సాయి మంజ్రేకర్, యానిమల్ ఫేమ్ పృథ్వీవీరాజ్ ఇతర ముఖ్య పాత్రలు పోషిస్తున్నారు. ఈ సినిమాకు తమ్మిరాజు ఎడిటర్‌గా, రామ్ ప్రసాద్ సినిమాటోగ్రాఫర్‌గా, అజనీష్ లోక్ నాథ్ సంగీత దర్శకుడిగా బాధ్యతలు నిర్వహిస్తుండగా..శ్రీకాంత్ విస్సా స్క్రీన్‌ప్లే అందిస్తున్నారు.