సీనియర్‌ దర్శకుడు వీఎస్‌ బోస్‌ కన్నుమూత
ABN , Publish Date - Nov 13 , 2024 | 04:27 AM
హీరో కృష్ణతో ‘వింత కథ’, మురళీమోహన్‌తో ‘గ్రహణం విడిచింది’ చిత్రాలను రూపొందించిన సీనియర్‌ దర్శకుడు వీఎస్‌ బోస్‌ మంగళవారం ఉదయం విజయవాడలో కన్ను మూశారు. 81 ఏళ్ల బోస్‌ పూర్తి పేరు వీరపనేని సుభాష్‌చంద్ర బోస్‌. ‘పాతాళ భైరవి’, ‘మాయాబజార్‌’...
హీరో కృష్ణతో ‘వింత కథ’, మురళీమోహన్‌తో ‘గ్రహణం విడిచింది’ చిత్రాలను రూపొందించిన సీనియర్‌ దర్శకుడు వీఎస్‌ బోస్‌ మంగళవారం ఉదయం విజయవాడలో కన్ను మూశారు. 81 ఏళ్ల బోస్‌ పూర్తి పేరు వీరపనేని సుభాష్‌చంద్ర బోస్‌. ‘పాతాళ భైరవి’, ‘మాయాబజార్‌’ వంటి పలు చిత్రాలకు కళా దర్శకత్వం వహించిన కళాధర్‌ మేనల్లుడు బోస్‌. విఠలాచార్య, బాపు, జి.విశ్వనాథం, దాదా మిరాసీ వంటి దర్శకుల దగ్గర పదిహేను చిత్రాలకు సహాయ దర్శకుడిగా పని చేశారు. ఎన్టీఆర్‌కు సన్నిహితుడిగా పేరు తెచ్చుకున్నారు. హీరో శోభన్‌బాబుతో ఏరా అంటే ఏరా అనుకునేంత స్నేహం ఉండేది. చాలా కాలం క్రితమే విజయవాడకు వచ్చిన బోస్‌ అక్కడే సెటిల్‌ అయ్యారు.