Sankranthiki Vasthunnam: సంక్రాంతి ఫెస్టివల్ సాంగ్ విడుదల ఎప్పుడంటే..
ABN , Publish Date - Dec 27 , 2024 | 09:29 PM
విక్టరీ వెంకటేష్, ఐశ్వర్య రాజేష్, మీనాక్షి చౌదరి హీరోహీరోయిన్లుగా హిట్ మెషిన్ అనిల్ రావిపూడి దర్శకత్వంలో రూపుదిద్దుకుంటోన్న చిత్రం ‘సంక్రాంతికి వస్తున్నాం’. ఈ సినిమా నుండి ఇప్పటి వరకు వచ్చిన రెండు పాటలు బ్లాక్‌బస్టర్ అయ్యాయి. ఇప్పుడు మూడో పాట విడుదలకు డేట్ ఫిక్స్ చేశారు. పొంగల్ సాంగ్‌గా రాబోతోన్న ఈ పాటను విడుదల ఎప్పుడంటే..
విక్టరీ వెంకటేష్ హైలీ యాంటిసిపేటెడ్ హోల్సమ్ ఎంటర్ టైనర్ చిత్రం ‘సంక్రాంతికి వస్తున్నాం’. హిట్ మెషిన్ అనిల్ రావిపూడి దర్శకత్వం వహిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ ప్రతిష్టాత్మకంగా నిర్మిస్తోంది. ఈ సినిమాకు సంబంధించి ఇప్పటి వరకు విడుదలైన రెండు పాటలకు చార్ట్‌బస్టర్ రెస్పాన్స్ వచ్చింది. ఫస్ట్ సింగల్ ‘గోదారి గట్టు మీద’ గ్లోబల్ టాప్ 20 వీడియోస్ లిస్ట్‌లోకి ప్రవేశించగా, సెకండ్ సింగిల్ ‘మీను’ కూడా అన్ని మ్యూజిక్ చార్టులలో అగ్రస్థానంలో ఉంది. ఇప్పుడు మేకర్స్ థర్డ్ సింగల్ బ్లాక్ బస్టర్ పొంగల్ సాంగ్ అప్డేట్ ఇచ్చారు. డిసెంబర్ 30న పొంగల్ సాంగ్‌ని రిలీజ్ చేయబోతున్నట్లుగా తెలుపుతూ అధికారికంగా ఓ పోస్టర్ విడుదల చేశారు.
Also Read- Tammareddy Bharadwaj: ఎవరో ఒక్కరు చేసిన తప్పుకు.. సీఎంల ముందు ఇండస్ట్రీ చేతులు కట్టుకోవాల్సి వస్తుంది
ఈ సాంగ్ అనౌన్స్‌మెంట్ పోస్టర్‌లో హీరో వెంకటేష్, హీరోయిన్స్ మీనాక్షి చౌదరి, ఐశ్వర్య రాజేష్ కలర్ ఫుల్, సిగ్నేచర్ డ్యాన్స్ మూమెంట్‌తో కనిపిస్తున్నారు. ఈ సాంగ్ కోసం భీమ్స్ సిసిరోలియో సంక్రాంతి ఫెస్టివల్ వైబ్‌ని హైలైట్ చేసే మరో అద్భుతమైన నెంబర్‌ని కంపోజ్ చేసినట్లుగా తెలుస్తోంది. విక్టరీ వెంకటేష్ స్వయంగా ఈ పాట పాడటం బిగ్గెస్ట్ ఎట్రాక్షన్. ఈ ఎనర్జిటిక్, కలర్‌ఫుల్ నంబర్‌కు భాను మాస్టర్ కొరియోగ్రఫీ చేస్తున్నారు. ఈ సాంగ్ సినిమా మెయిన్ హైలైట్‌లలో ఒకటిగా ఉంటుందని మేకర్స్ చెబుతున్నారు. అందుకే ఈ పాటను స్వయంగా ‘నేన్ పాడతా’ అంటూ వెంకీ రంగంలోకి దిగినట్లుగా సమాచారం.
విక్టరీ వెంకటేష్ ఎక్స్ పోలీస్ ఆఫీసర్ పాత్రలో నటిస్తోన్న ఈ చిత్రం ఐశ్వర్య రాజేష్ అతని భార్యగా, మీనాక్షి చౌదరి ఆయనకు ఎక్స్ లవర్‌గా కనిపించనున్నారు. సక్సెస్‌ఫుల్ చిత్రాల నిర్మాత దిల్ రాజు సమర్పిస్తున్న ఈ చిత్రాన్ని శిరీష్ నిర్మిస్తున్నారు. ఈ చిత్రానికి సినిమాటోగ్రఫీని సమీర్ రెడ్డి నిర్వహిస్తుండగా, ఎఎస్ ప్రకాష్ ప్రొడక్షన్ డిజైనర్‌గా, తమ్మిరాజు ఎడిటర్‌గా బాధ్యతలను నిర్వహిస్తున్నారు. ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్, VT గణేష్, మురళీధర్ గౌడ్, పమ్మి సాయి, సాయి శ్రీనివాస్, ఆనంద్ రాజ్, చైతన్య జొన్నలగడ్డ, మహేష్ బాలరాజ్, ప్రదీప్ కబ్రా, చిట్టి తదితరులు ఇతర పాత్రలలో నటిస్తోన్న ఈ చిత్రాన్ని జనవరి 14న సంక్రాంతి కానుకగా ప్రేక్షకుల ముందుకు తీసుకురానున్నారు.