Sai Pallavi: ప్రతి సినిమా ప్రేక్షకులకి నచ్చాలని చాలా అంకితభావంతో పని చేస్తా..
ABN , Publish Date - Oct 26 , 2024 | 10:25 PM
ప్రతి సినిమా ప్రేక్షకులకి నచ్చాలని చాలా అంకితభావంతో పని చేస్తానని అన్నారు సాయిపల్లవి. ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. సాయి పల్లవి ఫిమేల్ లీడ్‌లో నటించారు. రాజ్‌కుమార్ పెరియసామి దర్శకత్వం వహించిన ఈ చిత్ర ప్రీ రిలీజ్ వేడుక శనివారం హైదరాబాద్‌లో జరిగింది.
ప్రిన్స్ శివకార్తికేయన్ (Sivakarthikeyan) మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’ (Amaran). సాయి పల్లవి ఫిమేల్ లీడ్‌లో నటించారు. రాజ్‌కుమార్ పెరియసామి దర్శకత్వం వహించిన ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మించారు. ఇప్పటికే విడుదలైన ఈ మూవీ ప్రమోషనల్ కంటెంట్ మంచి స్పందనను రాబట్టుకోగా.. హీరో నితిన్ ఫాదర్ సుధాకర్ రెడ్డి, సిస్టర్ నిఖిత రెడ్డి ఈ చిత్రాన్ని తెలుగులో శ్రేష్ట్ మూవీస్ బ్యానర్ ద్వారా విడుదల చేస్తున్నారు. ఈ చిత్రం దీపావళి కానుకగా అక్టోబర్ 31న ప్రేక్షకుల ముందుకు రానుంది. ఈ సందర్భంగా మేకర్స్ శనివారం హైదరాబాద్‌లో ప్రీరిలీజ్ వేడుకను నిర్వహించారు. ఈ కార్యక్రమంలో హీరోయిన్ సాయిపల్లవి (Sai Pallavi) మాట్లాడుతూ..
Also Read-Nandamuri Balakrishna: తెలంగాణలో ‘బాలకృష్ణ ఫిలిం స్టూడియో’.. నిజమేనా?
‘‘మీ ప్రేమకి థాంక్యూ సో మచ్. నేను చేసే ప్రతి సినిమా ప్రేక్షకులకి నచ్చాలని చాలా అంకితభావంతో పని చేస్తాను. తెలుగులో నాకు చాలా మంచి మంచి క్యారెక్టర్స్ ఇచ్చిన డైరెక్టర్స్ అందరికి ఈ సందర్భంగా థాంక్యూ చెప్తున్నాను. ‘అమరన్’ సినిమాతో మీ (ప్రేక్షకులు) ముందుకు వస్తున్నందుకు చాలా గర్వంగా ఉంది. ‘అమరన్’ చాలా మంచి సినిమా. ఇది రియల్ సోల్జర్ జర్నీ. రెండు రోజులు ముందు ఆర్మీ వాళ్లకి ఈ సినిమా చూపించినప్పుడు మా లైఫ్ కూడా ఇలాగే ఉందని వారు చెప్పారు. ఈ సినిమాని చాలా రియల్‌గా చూపించారు.
Also Read- Jani Master: భార్య, పిల్లలతో జానీ మాస్టర్.. ‘యానిమల్’ మూవీ పాటతో ఎమోషనల్ వీడియో
‘అమరన్’ సినిమా నాకు చాలా నచ్చింది. నా క్యారెక్టర్‌ని డైరెక్టర్‌గారు ఇందులో చాలా అద్భుతంగా చూపించారు. ఈ సినిమాని తెలుగులో రిలీజ్ చేస్తున్న సుధాకర్ రెడ్డి‌గారికి థాంక్యూ సో మచ్. ఈ సినిమా ద్వారా తెలుగు ప్రేక్షకుల్ని మళ్ళీ కలవడం చాలా ఆనందంగా ఉంది. కొన్ని రోజుల తర్వాత మళ్లీ ‘తండేల్’ సినిమాతో వస్తాను. అప్పుడు మరింత మాట్లాడదాం. నేను ఏ పాత్ర చేసిన ఎక్కడికి వెళ్లినా మీ ప్రేమ ఎప్పుడూ నాకు దొరుకుతుంది. ఈ సినిమా మీ అందరికీ నచ్చాలని కోరుకుంటున్నాను’’ అని సాయిపల్లవి చెప్పుకొచ్చారు.