Revind: సైంటిఫిక్‌ లవ్‌జానర్‌లో 'రివైండ్‌'
ABN , Publish Date - Oct 06 , 2024 | 07:29 PM
సాయిరోనక్‌ (Sai Ronak), అమృత చౌదరి (Amruth Chowdary)హీరో హీరోయిన్లుగా క్రాస్‌ వైర్‌ క్రియేషన్స్‌పై కళ్యాణ్‌ చక్రవర్తి దర్శకనిర్మాతగా రూపొందుతున్న చిత్రం 'రివైండ్‌’
సాయిరోనక్‌ (Sai Ronak), అమృత చౌదరి (Amruth Chowdary)హీరో హీరోయిన్లుగా క్రాస్‌ వైర్‌ క్రియేషన్స్‌పై కళ్యాణ్‌ చక్రవర్తి దర్శకనిర్మాతగా రూపొందుతున్న చిత్రం 'రివైండ్‌’ (Revind). ఇటీవల విడుదల చేసిన టీజర్‌కి అద్భుతమైన రెస్పాన్స్‌ వచ్చింది. తాజాగా ఈ ట్రైలర్‌ను విడుదల చేశారు. ఈ నెల 18న ఈ సినిమాను ప్రేక్షకుల ముందుకు తీసుకొస్తున్నారు.
సాయి రోనక్‌ మాట్లాడుతూ "చిన్న టీమ్‌ ఈ సినిమాకు పని చేసి ఉండొచ్చు కానీ మంచి సబ్జెక్ట్‌తో చేశాం. మాకున్న బడ్జెట్‌, లైన్‌అప్‌తో ఎక్కడ కాంప్రమైజ్‌ అవ్వకుండా తీశాం. ఈనెల 18న ఈ సినిమాను విడుదల చేయబోతున్నాం’’ అని అన్నారు.
దర్శకనిర్మాత కళ్యాణ్‌ చక్రవర్తి మాట్లాడుతూ "టైం ట్రావెల్‌ మీద తీసిన లవ్‌, సైఫై జోనర్‌ సినిమా ఇది. ఆ తరహా చిత్రాలకు మంచి ఆదరణ ఉంటుంది. తప్పకుండా అన్ని వర్గాల ప్రేక్షకుల్ని అలరిస్తుంది. ప్రేమ కథకు తగ్గట్టు పాటలు కుదిరాయి’’ అని అన్నారు.