రిపబ్లిక్‌డే నాడు రిలీజ్‌
ABN , Publish Date - Nov 15 , 2024 | 03:40 AM
అక్షయ్‌ కుమార్‌ కథానాయకుడిగా నటిస్తున్న యాక్షన్‌ ఎంటర్‌టైనర్‌ ‘స్కై ఫోర్స్‌’. ఈ చిత్రం విడుదల తేదీ ఖరారైంది. వచ్చే ఏడాది రిపబ్లిక్‌ డే నాడు సినిమాను విడుదల చేస్తున్నట్లు యూనిట్‌...
అక్షయ్‌ కుమార్‌ కథానాయకుడిగా నటిస్తున్న యాక్షన్‌ ఎంటర్‌టైనర్‌ ‘స్కై ఫోర్స్‌’. ఈ చిత్రం విడుదల తేదీ ఖరారైంది. వచ్చే ఏడాది రిపబ్లిక్‌ డే నాడు సినిమాను విడుదల చేస్తున్నట్లు యూనిట్‌ తెలిపింది. అలాగే క్రిస్మస్‌ సందర్భంగా ట్రైలర్‌ను విడుదల చేయనున్నట్లు మేకర్స్‌ తెలిపారు. 1947లో భారతదేశం పాకిస్థాన్‌పై జరిపిన తొలి వైమానిక దాడుల నేపథ్యంలో ఈ చిత్రం తెరకెక్కుతోంది. యాక్షన్‌, డ్రామా, ఎమోషన్స్‌, దేశభక్తి లాంటి అంశాలు ప్రేక్షకులను ఆకట్టుకుంటాయి అని చిత్రబృందం తెలిపింది. ఈ చిత్రంలో సారా అలీఖాన్‌, నిమ్రత్‌ కౌర్‌ కథానాయికలు. సందీప్‌ కేల్వానీ, అభిషేక్‌ అనిల్‌ కపూర్‌ ద్వయం దర్శకత్వం వహించారు. దినేశ్‌ విజన్‌ జియో స్టూడియోస్‌తో కలసి నిర్మిస్తున్నారు.