కడప దర్గాను సందర్శించిన రామ్‌చరణ్‌

ప్రముఖ సంగీత దర్శకుడు ఏ.ఆర్‌.రెహ్మాన్‌ ఆహ్వానం మేరకు నటుడు రామ్‌ చరణ్‌ కడపలోని దర్గాను సోమవారం సందర్శించారు. ఆల్‌ ఇండియా 80వ ఉర్దూ కవి సమ్మేళనాన్ని రామ్‌చరణ్‌ ప్రారంభించారు. అయితే దీనికంటే ముందు డైరెక్టర్‌ బుచ్చిబాబు సానాతో కలిసి రామ్‌ చరణ్‌ కడపలోని విజయ దుర్గా దేవీ ఆలయాన్ని సందర్శించారు. తన తదుపరి సినిమా ‘ఆర్‌సి16’ స్ర్కిప్ట్‌ని అమ్మవారి పాదాల వద్ద ఉంచి పూజలు చేయించారు. అనంతరం దర్గాకు చేరుకున్న రామ్‌చరణ్‌ మాట్లాడుతూ ‘12ఏళ్ల క్రితం మగధీర సినిమా రిలీజ్‌కు ముందు దర్గాను సందర్శించాను. అయ్యప్పమాల వేసుకుని దర్గాకు రావడం చాలా సంతోషంగా ఉంది’ అన్నారు.