Pushpa 2 The Rule: ఒక రోజు ముందే థియేటర్లలోకి..
ABN , Publish Date - Oct 23 , 2024 | 03:36 PM
ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్‌లో రూపుదిద్దుకుంటోన్న ‘పుష్ప 2 ది రూల్’ సినిమాకు సంబంధించి అభిమానులకు ఓ గుడ్ న్యూస్. ఈ సినిమా కోసం ప్రేక్షకులు, అభిమానులు ఎంతగా వేచి చూస్తున్నారో తెలిసిందే. అలాంటి వారందరి కోసం ఈ మూవీని మేకర్స్ ఒక రోజు ముందుగానే రిలీజ్ చేయబోతున్నారనేది తాజా అప్డేట్.
ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్‌లో రూపుదిద్దుకుంటోన్న ‘పుష్ప 2 ది రూల్’ సినిమాపై ఆకాశమే అవధి అన్నట్లుగా అంచనాలున్నాయి. అయితే ఈ సినిమా కోసం ఎంతగానో వేచి చూస్తున్న వారందరికీ ఓ గుడ్ న్యూస్. తాజాగా అందుతోన్న సమాచారం ప్రకారం ‘పుష్ప 2’ చిత్రం ప్రకటించిన డేట్ కంటే ఒకరోజు ముందుగానే విడుదల కానుందని తెలుస్తోంది. డిసెంబర్ 5 రిలీజ్ చేసేందుకు మేకర్స్ సన్నాహాలు చేస్తున్నట్లుగా సమాచారం. దీనికి సంబంధించి గురువారం నిర్మాతల నుంచి అధికారిక ప్రకటన రానుందని తెలుస్తోంది.
గురువారం హైదరాబాద్‌లో ‘పుష్ప 2 ది రూల్’ మీడియా సమావేశం గ్రాండ్‌గా జరగబోతోంది. ఈ సమావేశంలో ఈ సినిమా విడుదలకు సంబంధించిన మేకర్స్ ఒక రోజు ముందుగానే అనే ప్రకటన చేయబోతున్నారనేది లేటేస్ట్ అప్డేట్. ఈ మీడియా సమావేశానికి మైత్రీ మూవీ మేకర్స్ ప్రొడ్యూసర్స్‌తో పాటు, హిందీ వెర్షన్‌ను విడుదల చేస్తున్న అనిల్ తడానీ, తమిళ్ వెర్షన్ రిలీజ్ చేస్తోన్న ఎజిఎస్ సంస్థ ప్రతినిధులు, డిస్ట్రిబ్యూటర్స్ హాజరుకానున్నారనేది తాజా సమాచారం.
Also Read- The Raja Saab: 'ది రాజాసాబ్‌' క్రేజీ మోషన్ పోస్టర్ విడుదల
డిసెంబరు 6న భారతీయ సినిమాలో ఆ రోజు ఓ సరికొత్త అధ్యాయం ప్రారంభం కానుందని ఇటీవల హింట్ ఇచ్చారు మేకర్స్. కానీ ఇప్పుడు ఆ డేట్‌కి ఒక రోజు ముందే సరికొత్త అధ్యాయం ప్రారంభం కానుందని తెలుస్తుంది. మీరు ఎంత ఊహించుకుంటే అంతకు మించి.. అస్సలు తగ్గేదెలే అన్నట్లుగా ‘పుష్ప 2’ చిత్రం వుండబోతుందనే విశ్వాసంతో వున్నారు చిత్ర మేకర్స్. ‘పుష్ప ది రైజ్‌’తో బార్డర్‌లు దాటిన ఇమేజ్‌తో.. అద్వితీయమైన నటనతో.. ఎవరూ ఎక్స్‌పెక్ట్‌ చేయని క్రేజ్‌తో దూసుకుపోతోన్న ఐకాన్‌స్టార్‌ అల్లు అర్జున్ ‘పుష్ప-2’లో మెస్మరైజింగ్‌ నటన కోసం, బ్రిలియంట్‌ దర్శకుడు సుకుమార్ టేకింగ్‌..మేకింగ్‌.. కోసం అందరూ ఎంతగానో ఎదురుచూస్తున్నారు. మైత్రీ మూవీ మేకర్స్ అసోసియేషన్‌ విత్‌ సుకుమార్ రైటింగ్స్‌ సంస్థల పతాకంపై ప్రముఖ నిర్మాతలు, నవీన్ ఏర్నేని, వై రవిశంకర్‌లు ఈ చిత్రాన్ని అత్యంత ప్రతిష్టాత్మకంగా నిర్మిస్తున్నారు. ఇటీవల ఈ చిత్రం నుంచి వచ్చిన రెండు సాంగ్స్‌, టీజర్‌ ఎంతటి అనూహ్యమైన స్పందనను రాబట్టుకున్నాయో తెలిసిందే. దేవి శ్రీప్రసాద్‌ ఈ చిత్రానికి సంగీతం అందిస్తున్నారు.