కొత్త సత్యదేవ్‌ను చూస్తారు

సత్యదేవ్‌, డాలీ ధనంజయ, ప్రియా భవానీశంకర్‌ నటించిన చిత్రం ‘జీబ్రా’. ఈశ్వర్‌కార్తీక్‌ దర్శకత్వంలో ఎస్‌ఎన్‌రెడ్డి, ఎస్‌.పద్మజ, బాల సుందరమ్‌, దినేశ్‌ సుందరమ్‌ నిర్మించారు. ఈ శుక్రవారం చిత్రం విడుదలవుతోన్న సందర్భంగా ప్రీ రిలీజ్‌ ప్రెస్‌మీట్‌ నిర్వహించారు. ఈ కార్యక్రమంలో సత్యదేవ్‌ మాట్లాడుతూ ‘‘జీబ్రా’ సరికొత్త వినోదాన్ని పంచే సినిమా. ఇందులో ఓ సాధారణ బ్యాంకర్‌ గ్యాంగ్‌స్టర్‌ ప్రపంచాన్ని ఎలా ఎదుర్కొంటాడనేది చాలా ఆసక్తికరంగా చూపించాం. నా కెరీర్‌లో బిగ్గెస్ట్‌ ఫిల్మ్‌ ఇదే. ఇందులో కొత్త సత్యదేవ్‌ను చూస్తారు’’ అని చెప్పారు. ‘‘ఆర్ధిక నేరాల చుట్టూ జరిగే కథ ఇది. కొన్ని వాస్తవ సంఘటనల ఆధారంగా తెరకెక్కించిన ఈ సినిమా అందరినీ అలరిస్తుంది’’ అని దర్శకుడు ఈశ్వర్‌ కార్తీక్‌ అన్నారు. ‘‘సినిమా కంటెంట్‌ చాలా కొత్తగా ఉంటుంది. అన్ని వర్గాల వారిని ఆకట్టుకుంటుంది. సత్యదేవ్‌, డాలీ పోటీపడి నటించారు’’ అని నిర్మాత ఎస్‌.ఎన్‌.రెడ్డి తెలిపారు.