Pokiri: ‘నా గుండె జారిపోయిందే’ అంటోన్న ‘పోకిరి’
ABN , Publish Date - Dec 31 , 2024 | 09:14 PM
సూపర్ స్టార్ మహేష్ బాబు, డ్యాషింగ్ డైరెక్టర్ పూరీ జగన్నాధ్ కాంబినేషన్‌లో వచ్చిన బ్లాక్ బస్టర్ చిత్రం ‘పోకిరి’. ఇప్పుడిదే టైటిల్‌తో మరో సినిమా రాబోతోంది. ఈ చిత్ర ఫస్ట్ సాంగ్‌ని హీరో పుట్టినరోజు సందర్భంగా మేకర్స్ విడుదల చేశారు. అనంతరం ఈ ‘పోకిరి’ విశేషాలను మేకర్స్ తెలియజేశారు.
‘పోకిరి’ అనగానే గుర్తొచ్చేది సూపర్ స్టార్ మహేష్ బాబు, పూరీ కాంబినేషన్‌లో వచ్చిన బ్లాక్‌బస్టర్ చిత్రం. ఇప్పుడదే టైటిల్‌తో మరో ఫిల్మ్ రాబోతోంది. వరుణ్ రాజ్ స్వీయ నిర్మాణం‌లో, ఆయనే హీరో‌గా నటిస్తున్న చిత్రం పోకిరి. ఈ సినిమాలో మమత హీరోయిన్‌గా నటిస్తుండగా.. వికాస్ దర్శకత్వం వహిస్తున్నారు. హీరో వరుణ్ రాజ్ పుట్టిన రోజు సందర్భంగా మంగళవారం ఈ సినిమాలో నుంచి మొదటి పాటని మేకర్స్ విడుదల చేశారు.
Also Read-Dil Raju: సీఎంతో సినీ ప్రముఖుల భేటీపై కేటీఆర్ కామెంట్స్‌కు దిల్ రాజు స్పందనిదే..
ఈ కార్యక్రమంలో హీరోయిన్ మమత మాట్లాడుతూ.. ఇది నా ఫస్ట్ ఎక్స్‌పీరియెన్స్. డైరెక్టర్ వికాస్, హీరో వరుణ్‌కు థ్యాంక్స్. ఈ సినిమా గురించి చెప్పాలంటే యూనిటీ గుర్తొస్తుంది. ఇదొక మంచి సినిమా. అందరూ ఈ సినిమాని ఆదరించాలని కోరుకుంటున్నానని తెలపగా.. డైరెక్టర్ వికాస్ మాట్లాడుతూ.. మేము స్టోరీ లైన్ రాసుకున్నప్పటి నుంచి ‘పోకిరి’ అనే టైటిల్ అనుకున్నాం. ఈ సినిమా వేరే టైటిల్ పెడదామని చాలా అనుకున్నాం. కానీ స్టోరీకి ‘పోకిరి’ అనేదే సెట్ అవుతుందని ఈ టైటిల్ సెట్ చేసుకున్నాం. కథ రాసుకున్నప్పటి నుంచి ఈ సినిమా మీద చాలా కేర్ తీసుకున్నాం. ఈ సినిమా పెద్ద హిట్ అవుతుందని నమ్ముతున్నామని అన్నారు.
హీరో మరియు నిర్మాత వరుణ్ రాజ్ మాట్లాడుతూ.. ఈ సినిమాతో గట్టిగా హిట్ కొడతాం. ఈ సినిమా హిట్ అవుతుందని మాకు కాన్ఫిడెన్స్ ఉంది. నేను పవన్ కళ్యాణ్‌గారి అభిమానిని. అలాగే చిరంజీవిగారు, మహేష్ బాబుగారంటే కూడా నాకు అంతే ఇష్టం. ఈ సినిమా టైటిల్‌లోనే దమ్ముంది. ‘పోకిరి’కి ఓనర్ మహేష్ బాబు గారే. మేమంతా అభిమానులం అంతే. అభిమానులందరూ ఈ సినిమాకు సపోర్ట్ చేస్తారని భావిస్తున్నాం. త్వరలోనే మరిన్ని వివరాలను తెలియజేస్తామని అన్నారు. ఇంకా మ్యూజిక్ డైరెక్టర్ ఉదయ్ కిరణ్ కూడా ఈ కార్యక్రమంలో మాట్లాడారు.