Rakshana in OTT: సెన్సేషనల్ బ్యూటీ సినిమా ఓటీటీలోకి వచ్చేసింది..

‘ఆర్ఎక్స్100’ (RX100) చిత్రంతో సెన్సేషనల్ బ్యూటీగా పేరు తెచ్చుకున్న పాయల్‌ రాజ్‌పుత్‌ (Payal Rajput) ప్రధాన పాత్రలో, ప్రణదీప్‌ ఠాకూర్‌ (Prandeep Thakore) దర్శక, నిర్మాణంలో రూపొందిన చిత్రం ‘రక్షణ’. ఈ ఇన్వెస్టిగేటివ్‌ థ్రిల్లర్‌ ఫిల్మ్‌ జూన్‌ 7న థియేటర్లలో విడుదలై మంచి స్పందననే రాబట్టుకుంది. ఇప్పుడీ సినిమా ఓటీటీ వేదికగా ప్రేక్షకులకు థ్రిల్‌ ఇచ్చేందుకు సిద్ధమైంది. ఆగస్ట్ 1 నుంచి ఈ సినిమా ‘ఆహా’ ఓటీటీ (Aha OTT)లో భవానీ మీడియా (Bhavani Media) డిజిటల్ డిస్ట్రిబ్యూషన్ చేస్తోంది. రియల్ లైఫ్ ఇన్సిడెంట్స్ స్ఫూర్తితో తెరకెక్కిన ఈ చిత్రంలో ‘లేడీ సింగం’లా పాయల్‌ రాజ్‌పుత్‌ తన నటనతో అదరగొట్టింది. కథ, కథనం, పెర్ఫార్మెన్స్ లు ఆడియన్స్‌కి సీట్ ఎడ్జ్ ఎక్స్‌పీరియన్స్ అందించేలా వుంటాయని మేకర్స్ చెబుతున్నారు. కచ్చితంగా ఈ సినిమా ఆహా ప్రేక్షకులను అలరిస్తుందని, ఓటీటీలోనూ సక్సెస్‌ఫుల్ చిత్రంగా నిలుస్తుందని భావిస్తున్నారు.

Also Read- Raj Tarun: ఆరోపణలు మాత్రమే, ఆధారాలు చూపించలేదు.. లావణ్య వివాదంపై రాజ్ తరుణ్

ఈ సినిమా కథ విషయానికి వస్తే (Rakshana Movie Story).. ఏసీపీ కిర‌ణ్(పాయ‌ల్ రాజ్‌పుత్) సిన్సియ‌ర్ లేడీ పోలీస్ ఆఫీస‌ర్. న‌గ‌రంలో జ‌రుగుతున్న వ‌రుస హ‌త్య‌ల వెనుక ఉన్న‌ది ఎవ‌ర‌నే విష‌యాన్ని తెలుసుకునేందుకు ఆమె రంగంలోకి దిగుతుంది. అయితే ఆ హత్యలన్నింటికీ ఓ సైకో కిల్ల‌ర్ కార‌ణ‌మని ఆమె ఇన్విస్టిగేషన్‌లో తెలుసుకుంటుంది. కానీ అదే సమయంలో ఓ కేసు కార‌ణంగా ఆమె స‌స్పెండ్ అవుతుంది. మరి సస్పెండ్ అయిన కిర‌ణ్ ఆ సైకో కిల్లర్‌ని ఎలా పట్టుకుంది? అస‌లు ఈ హ‌త్య‌ల వెనుక ఉన్న కార‌ణం ఏమిటి..? అనేది తెలియాలంటే అనుక్షణం థ్రిల్లింగ్ సాగే ఈ సినిమా చూడాల్సిందే.

మానస్ నాగులపల్లి, రాజీవ్ కనకాల, చక్రపాణి ఆనంద వంటివారు ఇతర కీలక పాత్రలలో నటించిన ఈ చిత్రానికి యంగ్ కంపోజర్ మహతి స్వర సాగర్ (Mahathi Swara Sagar) సంగీతం అందించారు. ఈ వీకెండ్ ఓటీటీ ఎంటర్‌టైన్‌మెంట్ కోసం ఎదురుచూస్తున్న ప్రేక్షకులకి ‘ఆహా’లో ఈ సినిమా ఫస్ట్ ఛాయిస్ అని చెప్పడంలో ఎలాంటి సందేహం లేదు. అలాగే థియేటర్లలో ఈ మూవీ విడుదలకు ముందు జరిగిన హీరోయిన్ కాంట్రవర్సీ కూడా ఈ సినిమా గురించి అంతా మాట్లాడుకునేలా చేసిందనే విషయం తెలిసిందే.

Read Latest Cinema News