Naveen Chandra: నవీన్ చంద్ర ‘లెవెన్’ మూవీ రిలీజ్ ఎప్పుడంటే
ABN , Publish Date - Nov 01 , 2024 | 10:27 PM
నవీన్ చంద్ర హీరోగా లోకేశ్ అజ్ల్స్ దర్శకత్వంలో రూపొందిన రేసీ ఇన్వెస్టిగేటివ్ థ్రిల్లర్ ‘లెవెన్’. ఎఆర్ ఎంటర్‌టైన్‌మెంట్ బ్యానర్‌పై అజ్మల్ ఖాన్, రేయా హరి ఈ చిత్రాన్ని నిర్మిస్తున్నారు. ఈ మూవీని తెలుగు, తమిళ భాషల్లో ఏకకాలంలో రూపొందించారు. ఈ మూవీ రిలీజ్ డేట్‌ని మేకర్స్ ప్రకటించారు.
నవీన్ చంద్ర హీరోగా లోకేశ్ అజ్ల్స్ దర్శకత్వంలో రూపొందిన రేసీ ఇన్వెస్టిగేటివ్ థ్రిల్లర్ ‘లెవెన్’. ఎఆర్ ఎంటర్‌టైన్‌మెంట్ బ్యానర్‌పై అజ్మల్ ఖాన్, రేయా హరి ఈ చిత్రాన్ని నిర్మిస్తున్నారు. ఈ మూవీని తెలుగు, తమిళ భాషల్లో ఏకకాలంలో రూపొందించారు. ఇప్పటికే విడుదలైన ఈ మూవీ టీజర్ మంచి స్పందనను రాబట్టుకోగా.. శ్రుతిహాసన్‌ పాడిన ‘ది డెవిల్ ఈజ్ వెయిటింగ్’ సాంగ్ సెన్సేషన్ క్రియేట్ చేసి సినిమాపై మరింత హైప్ పెంచింది. తాజాగా మేకర్స్ ఈ మూవీ రిలీజ్ డేట్‌ను ప్రకటించారు.
Also Read-L2 Empuraan: ‘హరి హర వీరమల్లు’కి పోటీగా మోహన్ లాల్ సినిమా..
‘లెవెన్’ మూవీ నవంబర్ 22న వరల్డ్ వైడ్‌గా గ్రాండ్‌గా రీలీజ్ చేయబోతున్నట్లుగా తెలుపుతూ నవీన్ చంద్ర ఇంటెన్స్ లుక్‌తో ఉన్న ఓ పోస్టర్‌ని విడుదల చేశారు. ఈ పోస్టర్ సినిమాపై క్యురియాసిటీని పెంచుతోంది. ‘సిల నెరంగళిల్ సిల మణిధర్గళ్’ చిత్రంలో నటించిన రేయా హరి కథానాయికగా నటిస్తున్న ఈ చిత్రంలో ‘విరుమండి’ ఫేమ్ అభిరామి, ‘వత్తికూచి’ ఫేమ్ దిలీపన్, ‘మద్రాస్’ ఫేమ్ రిత్విక కీలక పాత్రల్లో నటిస్తున్నారు.
Also Read- Rashmika Mandanna: ఈసారి కూడా దేవరకొండ ఇంట్లోనేనా..
ఈ చిత్రానికి ప్రముఖ సాంకేతిక నిపుణులు పని చేస్తున్నారు. డి.ఇమ్మాన్ సంగీతం అందిస్తుండగా, బాలీవుడ్‌లో అనుభవం ఉన్న కార్తీక్ అశోక్ సినిమాటోగ్రఫర్‌గా పని చేస్తున్నారు. జాతీయ అవార్డు గ్రహీత శ్రీకాంత్ ఎన్.బి ఎడిటర్‌గా వ్యవహరిస్తున్నారు. ఆడుకలం నరేన్, రవివర్మ, అర్జై, కిరీటి దామరాజు వంటి వారు ఇతర పాత్రలలో నటిస్తోన్న ఈ చిత్ర థియేట్రికల్ ట్రైలర్‌ని త్వరలోనే మేకర్స్ రిలీజ్ చేయనున్నారు.