Chaitu Jonnalagadda: నాని కూడా ఆశ్చర్యపోయేలా.. పాన్ మసాలా ఫిల్మ్‌కి టైటిల్ ఫిక్స్
ABN , Publish Date - Nov 14 , 2024 | 11:51 PM
ఆ మధ్య MM పార్ట్ 2 పేరుతో చైతు జొన్నలగడ్డ చిత్రం ప్రీ లుక్ హల్ చల్ చేసిన విషయం తెలిసిందే. ఆ చిత్రానికి ఇప్పుడు టైటిల్ ఫిక్స్ చేస్తూ.. ఫస్ట్ లుక్‌ని న్యాచురల్ స్టార్ నానిచే మేకర్స్ విడుదల చేయించారు. ఈ ఫస్ట్ లుక్ చూసి నాని షాకయ్యారు. ఎందుకంటే..
నటుడు సిద్ధు జొన్నలగడ్డ అన్న చైతు జొన్నలగడ్డ ప్రధాన పాత్రలో ‘#MM పార్ట్-2’ అనే సినిమాను టాలీవుడ్ అగ్ర నిర్మాణ సంస్థ పీపుల్స్ మీడియా ఫ్యాక్టరీ ఇది వరకే ప్రకటించారు. విజనరీ నిర్మాత టీజీ విశ్వ ప్రసాద్ నిర్మిస్తున్న ఈ ప్రాజెక్ట్‌కు సంబంధించి ఇది వరకు విడుదల చేసిన ప్రీ లుక్ పోస్టర్ అందరినీ ఆకట్టుకోగా.. తాజాగా ఈ మసాలా చిత్రానికి సంబంధించిన టైటిల్, ఫస్ట్ లుక్‌ను లాంచ్ చేశారు. చైతు ఈ చిత్రానికి ప్రధాన పాత్ర పోషించడమే కాకుండా, కథ, స్క్రీన్‌ప్లే, డైలాగ్స్‌ను కూడా అందించారు. ఈ చిత్రానికి ‘బొమ్మ బ్లాక్ బస్టర్’ ఫేమ్ రాజ్ విరాట్ దర్శకత్వం వహించనున్నారు. గురువారం (నవంబర్ 14) ఈ సినిమా టైటిల్, ఫస్ట్ లుక్ పోస్టర్‌ను నేచురల్ స్టార్ నాని ఆవిష్కరించి, టీమ్‌కి శుభాకాంక్షలు తెలపడమే కాకుండా ఆశ్చర్యపోయారు.
Also Read-మిల్కీ బ్యూటీ తమన్నాలో ఈ మార్పు చూశారా..
నాని ఎందుకు ఆశ్చర్యపోయారంటే.. పార్ట్ 1 లేకుండా పార్ట్ 2 అని టైటిల్ పెట్టడం ఏమిటో అంటూ.. సరదాగా కామెంట్ చేస్తూ.. ఈ పోస్టర్‌ని విడుదల చేశారు. అంతే కాదు, ఈ పోస్టర్‌లో ‘హ్యాపీ నో చిల్డ్రన్స్ డే’ అని ఉండటం.. ఈ సినిమాపై మరింత క్యూరియాసిటీని పెంచేస్తోంది. ఇంతకీ సినిమా పేరు చెప్పలేదు కదా.. ‘మోసెస్ మాణిక్‌చంద్‌ పార్ట్-2’ (Moses Manikchand Part 2). ఈ టైటిల్ చూస్తుంటేనే తెలియడంలా.. ఈ చిత్రం డిఫరెంట్‌గా ఉండబోతోందని. ఈ పోస్టర్‌లో మద్యం బాటిల్, క్లాప్‌బోర్డ్, అమ్మాయి, వైన్ గ్లాస్ ఇలా అన్నీ కనిపిస్తున్నాయి.
అలాగే చైతు జొన్నలగడ్డ ఈ ఫస్ట్ లుక్ పోస్టర్‌లో రాజకుర్చీపై రాజసం ఉట్టి పడేలా కూర్చుండగా.. భారీ ఆభరణాలు, స్టైలిష్ హెయిర్, లేత గడ్డం, సన్ గ్లాసెస్‌తో డిఫరెంట్ లుక్‌లో కనిపిస్తున్నాడు. ఒంటిపై ఆ టాటూలు పాత్ర తీరు, స్వభావాన్ని సూచించేలా ఉన్నాయి. ఈ మూవీకి పెట్టిన ట్యాగ్‌లైన్ ‘ఎ రియల్ విలన్ ఈజ్ ఆల్వేస్ బెటర్ దేన్ ఎ ఫేక్ హీరో’ కూడా ఇంట్రెస్ట్ క్రియేట్ చేసేలా ఉంది. పూర్తి స్థాయి ఎంటర్‌టైనర్‌గా ఈ చిత్రం ఉండబోతోంది. ఈ ప్రాజెక్ట్‌కి వివేక్ కూచిభొట్ల సహ నిర్మాతగా, కృతి ప్రసాద్ క్రియేటివ్ ప్రొడ్యూసర్‌గా వ్యవహరిస్తున్నారు. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలోనే మేకర్స్ వెల్లడించనున్నారు.