Robinhood: ‘రాబిన్‌హుడ్’ నుంచి రాజేంద్ర ప్రసాద్ ఫస్ట్‌లుక్.. ఇది వేరే లెవల్!

హీరో నితిన్ (Nithiin) నటిస్తోన్న యూనిక్ యాక్షన్, హీస్ట్ కామెడీ ఎంటర్‌టైనర్ చిత్రం ‘రాబిన్‌హుడ్‌’ (Robinhood). యంగ్ బ్యూటీ శ్రీలీల (Sreeleela) హీరోయిన్‌గా నటిస్తున్న ఈ చిత్రానికి వెంకీ కుడుముల (Venky Kudumula) దర్శకుడు. ప్రస్తుతం ఈ సినిమా షూటింగ్ శరవేగంగా జరుపుకుంటుంది. నటకిరీటి రాజేంద్ర ప్రసాద్ (Nata Kireeti Rajendra Prasad) ఈ చిత్రంలో కీలక పాత్ర పోషిస్తున్నారు. శుక్రవారం రాజేంద్ర ప్రసాద్ బర్త్ డే. ఈ సందర్భంగా బర్త్‌డే విషెస్ తెలుపుతూ ‘రాబిన్‌హుడ్’ చిత్రంలోని ఆయన ఫస్ట్ లుక్ పోస్టర్‌ని మేకర్స్ రిలీజ్ చేశారు. ఈ పోస్టర్ ప్రస్తుతం వైరల్ అవుతోంది.

Also Read-Suman: ఏపీలో సినిమా ఇండస్ట్రీ డెవలప్ కావాలంటే.. ఆ కండీషన్లు పెట్టకూడదు

‘రాబిన్‌హుడ్’ చిత్రంలో ఏజెంట్ జాన్ స్నో అకా జనార్ధన్ సున్నిపెంటగా నటకిరీటి రాజేంద్ర ప్రసాద్ క్యారెక్టర్‌ని పరిచయం చేశారు. ఏజెంట్ గెటప్‌లో ఆయన కనిపించడం చాలా ఇంట్రస్టింగ్‌గా వుంది. ఈ ఏజ్‌లో కూడా ఆయనలా కనిపించడం అంటే మాములు విషయం కాదు. ఇందులో ఆయన క్యారెక్టర్ చాలా క్రూసియల్ అండ్ ఎంటర్‌టైనింగ్‌గా వుండబోతోందని మేకర్స్ చెబుతున్నారు. (Nata Kireeti Rajendra Prasad Look In Robinhood)

మైత్రీ మూవీ మేకర్స్ ఈ చిత్రాన్ని అత్యున్నత స్థాయి ప్రొడక్షన్, టెక్నికల్ వాల్యూస్‌తో భారీ బడ్జెట్‌తో నిర్మిస్తోంది. నవీన్ యెర్నేని, వై రవిశంకర్ ఈ చిత్రానికి నిర్మాతలు. టాప్ టెక్నిషియన్స్ ఈ చిత్రానికి పని చేస్తున్నారు. సాయి శ్రీరామ్ డీవోపీ‌గా పని చేస్తుండగా.. జివి ప్రకాష్ కుమార్ సంగీతం, ప్రవీణ్ పూడి ఎడిటర్, రామ్ కుమార్ ఆర్ట్ డైరెక్టర్‌గా బాధ్యతలు నిర్వహిస్తున్నారు. ఈ సినిమాను క్రిస్మస్ స్పెషల్‌గా డిసెంబర్ 20న విడుదల చేయబోతున్నట్లుగా ఇప్పటికే మేకర్స్ ప్రకటించారు. (HBD Nata Kireeti Rajendra Prasad)

Read Latest Cinema News