Sri Sri Sri Rajavaru: ‘ఆయ్’ సక్సెస్‌తో దసరా బరిలోకి ఎన్టీఆర్ బావమరిది..

‘మ్యాడ్, ఆయ్’ (Mad and Aay Movies) వంటి యూత్ ఫుల్ ఎంటర్టైనర్ చిత్రాల హిట్‌తో సక్సెస్‌ఫుల్ హీరోగా దూసుకుపోతున్నారు నార్నె నితిన్. చిత్ర పరిశ్రమలోకి ఎన్టీఆర్ బావమరిదిగా ఎంట్రీ ఇచ్చిన నార్నె నితిన్ (Narne Nithin).. వరుస హిట్లతో తన సత్తా చాటుతున్నారు. ఇదే ఊపుతో ఇప్పుడు హ్యాట్రిక్‌పై కన్నేశారు. జాతీయ అవార్డు విన్నర్, ‘శతమానం భవతి’ దర్శకుడు సతీష్ వేగేశ్న (Satish Vegesna) దర్శకత్వంలో తాజాగా ‘శ్రీ శ్రీ శ్రీ రాజావారు’ (Sri Sri Sri Rajavaru) చిత్రంలో నటిస్తున్నారు. ఆయన సరసన సంపద హీరోయిన్‌గా నటిస్తున్నారు. ఈ చిత్రాన్ని శ్రీ వేధాక్షర మూవీస్ పతాకంపై చింతపల్లి రామారావు నిర్మించారు. అన్నికమర్షియల్ ఎలిమెంట్స్‌తో యాక్షన్ ఎంటర్‌టైనర్‌గా తెరకెక్కిన ఈ చిత్రం దసరా కానుకగా ప్రేక్షకులకు ముందుకు రానుందని మేకర్స్ అధికారికంగా ప్రకటించారు.

Also Read- Hema: సీఎం రేవంత్, పవన్  కల్యాణ్‌ అపాయింట్‌మెంట్‌ కావాలి!

వాస్తవానికి ఎన్టీఆర్ (Jr NTR) బావమరిదిగా నార్నె నితిన్ ఈ సినిమాతోనే ఇండస్ట్రీకి పరిచయం కావాలి. అప్పట్లో కాస్త హడావుడి చేశారు కానీ.. ఆ తర్వాత ఎందుకనో ఈ సినిమాను పక్కన పెట్టేశారు. ఇప్పుడు నార్నె నితిన్ నటించిన ‘మ్యాడ్, ఆయ్’ చిత్రాలు సక్సెస్ సాధించడంతో.. ఈ సినిమాను ధైర్యంగా విడుదలకు తీసుకువస్తున్నారు. కచ్చితంగా ఈ సినిమాతో నార్నె నితిన్ హ్యాట్రిక్ కొడతాడని మేకర్స్ చెబుతున్నారు. (Narne Nithin Movies)

ఈ సందర్భంగా చిత్ర నిర్మాత చింతపల్లి రామారావు (Producer Chintapalli Rama Rao) మాట్లాడుతూ.. మా చిత్ర హీరో నార్నె నితిన్ ఇటీవల మంచి ఫీల్ గుడ్, యూత్ ఫుల్ ఎంటర్టైనర్ మూవీస్‌తో వరుస విజయాలు అందుకున్నారు. వీటికి భిన్నంగా మా సినిమా వుంటుంది. పూర్తి కమర్షియల్ ఫార్మాట్‌లో భారీ తారాగణంతో ‘శ్రీ శ్రీ శ్రీ రాజావారు’ చిత్రాన్ని తెరకెక్కించారు దర్శకుడు సతీష్ వేగేశ్న. ఎన్టీఆర్ ఎంతో మెచ్చి.. ఈ కథను ఎంపిక చేశారు. ఆయన అంచనాల మేరకు దర్శకుడు ఈ చిత్రాన్ని ఎక్కడా రాజీపడకుండా తెరకెక్కించారు. కచ్చితంగా ఈ దసరాకి నార్నె నితిన్ ఖాతాలో ఆయ్, మ్యాడ్ తరహాలో హ్యాట్రిక్ హిట్ పడుతుందని గట్టిగా నమ్ముతున్నామని అన్నారు. రావు రమేష్, నరేష్, రఘు కుంచె, ప్రవీణ్, రచ్చ రవి, సరయు, రమ్య, ప్రియ మాచిరాజు, భద్రం, ఆనంద్, జబర్దస్త్ నాగి తదితరులు ఈ చిత్రంలో ఇతర పాత్రల్లో నటించారు.

Read Latest Cinema News