జపాన్‌ వెళ్లిన మెగాస్టార్‌

మెగాస్టార్‌ చిరంజీవి ప్రస్తుతం జపాన్‌లో ఉన్నారు. అయితే ఇది హాలీడే ట్రిప్‌ కాదు.. ‘విశ్వంభర’ చిత్రం షూటింగ్‌ కోసం. ఒక పాట, కొన్ని కీలక సన్నివేశాలను ప్రస్తుతం అక్కడ చిత్రీకరిస్తున్నారు. పది రోజుల పాటు జపాన్‌లో ఉండి తర్వాత హైదరాబాద్‌కు తిరిగి వస్తారు. ఇదిలా ఉంటే సోషల్‌ మీడియాలో చిరంజీవి పోస్ట్‌ చేసిన లేటెస్ట్‌ స్టిల్‌ ఇప్పుడు వైరల్‌ అవుతోంది. సోషియో ఫాంటసీ ఇతివృత్తంతో రూపుదిద్దుకుంటున్న ‘విశ్వంభర’ వచ్చే సంక్రాంతికి రిలీజ్‌ కావాలి. అయితే రామ్‌చరణ్‌ నటిస్తున్న ‘గేమ్‌ఛేంజర్‌’ కోసం సంక్రాంతి నుంచి వేసవికి విశ్వంభర చిత్రాన్ని షిఫ్ట్‌ చేశారు. వశిష్ట దర్శకత్వంలో ప్రమోద్‌, వంశీకృష్ణారెడ్డి ఈ చిత్రాన్ని నిర్మిస్తున్నారు.