సూపర్‌స్టార్స్‌ మళ్లీ కలిశారు!
ABN , Publish Date - Nov 21 , 2024 | 06:27 AM
పద్దెనిమిదేళ్ల సుదీర్ఘ విరామం తర్వాత మలయాళ చిత్రరంగ సూపర్‌స్టార్స్‌ మమ్ముట్టి, మోహన్‌లాల్‌ మళ్లీ కలసి ఓ చిత్రంలో నటిస్తున్నారు. మహేశ్‌ నారాయణ్‌ దర్శకత్వం వహించే ఈ భారీ
పద్దెనిమిదేళ్ల సుదీర్ఘ విరామం తర్వాత మలయాళ చిత్రరంగ సూపర్‌స్టార్స్‌ మమ్ముట్టి, మోహన్‌లాల్‌ మళ్లీ కలసి ఓ చిత్రంలో నటిస్తున్నారు. మహేశ్‌ నారాయణ్‌ దర్శకత్వం వహించే ఈ భారీ మల్టీస్టారర్‌ షూటింగ్‌ బుధవారం శ్రీలంకలో మొదలైంది. మోహన్‌లాల్‌ జ్యోతి ప్రజ్వలన చేసి షూటింగ్‌కు శ్రీకారం చుట్టారు. ఈ సినిమాలో ఫహద్‌ ఫాజిల్‌, కుంచాకో బోబన్‌, నయనతార తదితరులు నటిస్తున్నారు. శ్రీలంక, లండన్‌, అబుదాబి, అజర్‌ బైజాన్‌, థాయ్‌లాండ్‌, విశాఖపట్నం, హైదరాబాద్‌, ఢిల్లీ, కొచ్చి తదితర లొకేషన్స్‌లో 150 రోజుల పాటు జరిగే షూటింగ్‌తో ఈ చిత్రం పూర్తవుతుంది. ఈ చిత్రానికి సినిమాటోగ్రఫీ: మనుష్‌ నందన్‌, సహ నిర్మాతలు: సలీమ్‌, సుభాష్‌ జార్జి, నిర్మాత: ఆంటో జోసెఫ్‌.