Prabhas: ఇటలీ ఫ్లైట్‌లో ప్రభాస్.. దిశా పటాని ఫొటో వైరల్
ABN , Publish Date - Mar 07 , 2024 | 04:11 PM
ప్రభాస్, నాగ్ అశ్విన్ వైజయంతి మూవీస్ మ్యాసీవ్ కాంబినేషన్ లో రూపొందుతున్న చిత్రం ‘కల్కి 2898 AD’. ప్ర‌స్తుతం షూటింగ్ ముగింపు ద‌శ‌కు చేరుకుంది. తాజాగా ఇట‌లీలో షూటింగ్ జ‌రుగుతుండ‌గా దిశా పటాని తీసిన ఓ ఫొటో వైర‌ల్‌గా మారింది.
ప్రభాస్ (Prabhas), నాగ్ అశ్విన్ (Nag Ashwin) వైజయంతి మూవీస్ మ్యాసీవ్ కాంబినేషన్ లో రూపొందుతున్న సైన్స్ ఫిక్షన్ గ్లోబల్ ఫిల్మ్ ‘కల్కి 2898 AD’(Kalki2898AD). వైజయంతీ మూవీస్ (Vyjayanthi Movies) బ్యానర్‌పై అశ్వినీ దత్ ప్రతిష్టాత్మకంగా నిర్మిస్తున్న ఈ చిత్రంలో అమితాబ్ బచ్చన్, కమల్ హాసన్ (Kamal Haasan), దుల్హ‌ర్ స‌ల్మాన్, రాజేంద్ర ప్ర‌సాద్‌, దీపికా పదుకొణె(Deepika Padukone), దిశా పటాని (Disha Patani) కీలక పాత్రల్లో నటిస్తున్నారు. ప్ర‌స్తుతం ఈ చిత్రం షూటింగ్ ముగింపు ద‌శ‌కు చేరుకుంది.
తాజాగా ఇట‌లీలో ప్రభాస్ అండ్ బాలీవుడ్ ముద్దుగుమ్మ దిశా ప‌టానీ (Disha Patani) పై ఓ సాంగ్ చిత్రీక‌రించ‌గా దానికి సంబంధించిన ఫొటోలు, వీడియోలు సోషల్ మీడియాలో వైరల్ అయిన సంగ‌తి తెలిసిందే. అయితే ఇట‌లీలోని ప‌లు ప్రాంతాల‌లో పాట షూటింగ్ జ‌రుగుతోంది.
ఈ నేప‌థ్యంలో చిత్ర యూనిట్ ఫ్లైట్‌లో ప్ర‌యాణిస్తున్న క్ర‌మంలో వెన‌కాల సీట్‌లో కూర్చున్న హీరోయిన్ దిశా ప‌టానీ (Disha Patani) ముందు వ‌రుస‌లో ఉన్న ప్ర‌భాస్‌ను త‌న ఫొన్‌తో ఫొటోలు తీసింది. ఇప్పుడా ఆ ఫొటోను కల్కి మూవీ టీం Kalki 2898 AD సోషల్ మీడియాలో పోస్టు చేయ‌గా తెగ చక్క‌ర్లు కొడుతోంది.