‘ప్రతి కథపైనా హీరో పేరు రాసి ఉంటుంది’
ABN , Publish Date - Nov 13 , 2024 | 04:29 AM
అర్జున్‌ జంధ్యాల దర్శకత్వంలో అశోక్‌ గల్లా, వారణాసి మానస హీరో, హీరోయిన్లుగా నటించిన చిత్రం ‘దేవకీ నందన వాసుదేవ’. సోమినేని బాలకృష్ణ నిర్మాత. ఈ మూవీకి హనుమాన్‌ ఫేమ్‌ డైరెక్టర్‌ ప్రశాంత్‌వర్మ కథను అందించారు....
అర్జున్‌ జంధ్యాల దర్శకత్వంలో అశోక్‌ గల్లా, వారణాసి మానస హీరో, హీరోయిన్లుగా నటించిన చిత్రం ‘దేవకీ నందన వాసుదేవ’. సోమినేని బాలకృష్ణ నిర్మాత. ఈ మూవీకి హనుమాన్‌ ఫేమ్‌ డైరెక్టర్‌ ప్రశాంత్‌వర్మ కథను అందించారు. సినిమా ఈనెల 22న థియేటర్లలో విడుదలవుతోంది. ఈ నేపథ్యంలో మంగళవారం ట్రైలర్‌ రిలీజ్‌ ఈవెంట్‌ నిర్వహించారు. ‘ఈ భూమి మీద ఎక్కడా లేని విధంగా సుదర్శన చక్రంతో వాసుదేవుడి విగ్రహం ఉంది’ అనే డైలాగ్‌తో ట్రైలర్‌ ప్రారంభం అవుతుంది. యాక్షన్‌ సీన్స్‌ బాగున్నాయి. టాలీవుడ్‌ నటుడు రానా, హీరో సందీప్‌ కిషన్‌, దర్శకుడు ప్రశాంత్‌వర్మ, గల్లా జయదేవ్‌, రచయిత సాయిమాధవ్‌ బుర్రా ముఖ్య అతిథులుగా హాజరయ్యారు. ఈ సందర్భంగా అశోక్‌ గల్లా మాట్లాడుతూ ‘రానా నాకు ఎప్పుడూ సపోర్ట్‌గా ఉంటారు. ప్రశాంత్‌వర్మ కథతో డైరెక్టర్‌ అర్జున్‌ తన విజన్‌తో మరో మెట్టును ఎక్కించారు’ అని అన్నారు. ‘ఈ సినిమాలో భాగం అయినందుకు చాలా సంతోషంగా ఉంది.
అశోక్‌తో కలసి నటించడం ఫన్నీగా ఉంది’ అని హీరోయిన్‌ వారణాసి మానస అన్నారు. ‘ప్రతి కథపైనా హీరో పేరు రాసి పెట్టి ఉంటుందని నేను నమ్ముతాను. ఈ కథను ఏడేళ్ల క్రితం రాసుకున్నా. ఈ సినిమాను అశోక్‌ గల్లా చేసినందుకు చాలా ఆనందంగా ఉంది. నా తదుపరి సినిమా అప్డేట్‌ రెండు వారాల్లో ఇస్తాను’ అని ప్రశాంత్‌ వర్మ అన్నారు.