వీరుడి పేరు... పౌర్ణమి రోజు

పొడవాటి జుట్టు, గుబురు గడ్డం, నెత్తురంటిన గొడ్డలిని చేతబూని రౌద్రరూపంలో కనిపించారు నందమూరి బాలకృష్ణ. బాబీ కొల్లి దర్శకత్వంలో ఆయన కథానాయకుడిగా నటిస్తున్న (‘ఎన్‌బీకే 109’- వర్కింగ్‌ టైటిల్‌) చిత్రం పోస్టర్‌లోనిదీ దృశ్యం. ఈ భారీ పీరియాడిక్‌ యాక్షన్‌ ఎంటర్‌టైనర్‌లో మునుపెన్నడూ చూడని సరికొత్త పాత్రలో బాలకృష్ణ కనిపించనున్నారు. చిత్రబృందం మంగళవారం ప్రత్యేక పోస్టర్‌ను విడుదల చేసి, ఈ నెల 15న కార్తీక పౌర్ణమి సందర్భంగా ‘ఎన్‌బీకే 109’ టైటిల్‌ను వెల్లడించనున్నట్లు తెలిపింది. దాంతోపాటు టీజర్‌ను విడుదల చేయనున్నట్లు యూనిట్‌ ప్రకటించింది. ప్రస్తుతం తుదిదశ చిత్రీకరణ జరుగుతోంది. వచ్చే ఏడాది సంక్రాంతికి ఈ చిత్రం ప్రేక్షకుల ముందుకు రానుంది. బాబీడియోల్‌ ఈ చిత్రంలో కీలకపాత్ర పోషిస్తున్నారు. సూర్యదేవర నాగవంశీ, సాయి సౌజన్య నిర్మిస్తున్నారు. థమన్‌ సంగీతం అందిస్తున్నారు. సినిమాటోగ్రఫీ: విజయ్‌ కార్తీక్‌ కన్నన్‌