హసీనా ప్రేమగీతం

ఇరవై ఏళ్ల క్రితం వచ్చిన ‘సిక్స్‌టీన్స్‌’ చిత్రానికి సీక్వెల్‌గా రూపొందుతోన్న చిత్రం ‘రిస్క్‌ - ఎ గేమ్‌ ఆఫ్‌ యూత్‌’. ప్రముఖ సంగీత దర్శకుడు ఘంటాడి కృష్ణ స్వీయ దర్శకత్వంలో ఈ చిత్రాన్ని నిర్మిస్తున్నారు. సందీప్‌ అశ్వా కథానాయకుడు. సన్య ఠాకూర్‌, జోయా ఝవేరి హీరోయిన్లు. రాజీవ్‌ కనకాల కీలకపాత్ర పోస్తున్నారు. ఈ చిత్రం నుంచి ‘ఓ హసీనా’ అంటూ సాగే ప్రేమ గీతాన్ని నటుడు సత్యం రాజేశ్‌ చేతుల మీదుగా యూనిట్‌ విడుదల చేసింది. అన్ని వర్గాల ప్రేక్షకులను అలరించే అంశాలు ఈ చిత్రంలో ఉన్నాయని ఘంటాడి కృష్ణ తెలిపారు.