అందరికీ నచ్చుతుంది

కేవీజీ రాజు దర్శకత్వంలో లోకేశ్‌ బాబు దాసరి, శిరీష హీరో హీరోయిన్లుగా నటిస్తున్న సినిమా ‘ఉల్లాసంగానే ఉత్సాహంగానే’. శ్రీ మైత్రీ క్రియేషన్స్‌ పతాకంపై యార్లగడ్డ ఉమామహేశ్వరరావు నిర్మిస్తున్నారు. ఎండీ కలామ్‌, ఖదీర్‌ సహ నిర్మాతలుగా వ్యవహరిస్తున్నారు. ఈ చిత్రం టీజర్‌ను హైదరాబాద్‌లో విడుదల చేశారు. ఈ కార్యక్రమంలో చిత్ర దర్శకుడు కేవీజీ రాజు మాట్లాడుతూ‘ ఈ చిత్రంలో లోకేశ్‌ ఎనర్జిటిక్‌గా నటించాడు. త్వరలో సాంగ్స్‌, ట్రైలర్‌ రిలీజ్‌ చేస్తాం’ అని తెలిపారు. నిర్మాత ఉమామహేశ్వరరావు మాట్లాడుతూ ‘ ఒక మంచి లవ్‌ స్టోరీని తెరకెక్కించాం. మీ అందరికీ నచ్చుతుందని భావిస్తున్నా’ అని అన్నారు.