పనిలో బిజీగా ఉన్నా.. డబ్బింగ్‌ చెబుతున్న రష్మిక

అల్లు అర్జున్‌, రష్మిక మందన్న జంటగా నటిస్తున్న చిత్రం ‘పుష్ప 2:ది రూల్‌’. ఈ చిత్రంలో తన పాత్రకు డబ్బింగ్‌ చెప్పే పనిలో ఉన్నారు రష్మిక. ఆ ఫొటోలను బుధవారం సోషల్‌ మీడియాలో షేర్‌ చేశారు...

అల్లు అర్జున్‌, రష్మిక మందన్న జంటగా నటిస్తున్న చిత్రం ‘పుష్ప 2:ది రూల్‌’. ఈ చిత్రంలో తన పాత్రకు డబ్బింగ్‌ చెప్పే పనిలో ఉన్నారు రష్మిక. ఆ ఫొటోలను బుధవారం సోషల్‌ మీడియాలో షేర్‌ చేశారు. ‘పనిలో బిజీ అయ్యాను, సెకండాఫ్‌కు డబ్బింగ్‌ చెబుతున్నాను. ‘పుష్ప 2’ గురించి మాటల్లో చెప్పలేను. ప్రథమార్థం అద్భుతంగా ఉంటుంది. ద్వితీయార్థం అంతకు మించి అనేలా ఉండబోతోంది. ఇంకొన్ని రోజుల్లో చిత్రీకరణ పూర్తవనుంది. దీంతో చిత్రబృందాన్ని ఇకపై మిస్‌ అవుతున్నానే అనే ఆలోచన బాధ కలిగిస్తుంద’న్నారు. సుకుమార్‌ దర్శకత్వం వహిస్తున్న చిత్రమిది. నవీన్‌ యెర్నేని, వై. రవిశంకర్‌ నిర్మిస్తున్నారు. ఈ నెల 17న ట్రైలర్‌ను విడుదల చేస్తున్నారు. డిసెంబర్‌ 5న ఈ చిత్రం ప్రేక్షకుల ముందుకు రానుంది. శ్రీలీల చేస్తున్న ప్రత్యేక గీతాన్ని ఇటీవలే చిత్రీకరించారు. ఈ చిత్రంలో ఫహాద్‌ ఫాజిల్‌, సునీల్‌, అనసూయ, రావు రమేశ్‌ కీలక పాత్రలు పోషిస్తున్నారు.