PA.. PA: ‘ది రాజా సాబ్’ డైరెక్టర్ వదిలిన ‘పా..పా’ ట్రైలర్.. పక్కా బ్లాక్ బస్టర్
ABN , Publish Date - Dec 04 , 2024 | 02:12 PM
చాలా తక్కువ బ‌డ్జెట్‌తో తెరకెక్కి.. సుమారు రూ. 30 కోట్లు వసూళ్లు సాధించిన తమిళ బ్లాక్ బస్టర్ చిత్రం తెలుగులో ‘పా..పా’ పేరుతో విడుదల కాబోతోంది. డిసెంబర్ 13న విడుదలకు సిద్ధమైన ఈ చిత్ర థియేట్రికల్ ట్రైలర్‌ని తాజాగా ‘ది రాజా సాబ్’ దర్శకుడు మారుతి విడుదల చేశారు. ఈ ట్రైలర్ చూసిన మారుతి ఏమన్నారంటే..
తమిళ్‌లో బ్లాక్ బస్టర్ సక్సెస్ అందుకున్న డా..డా’ మూవీ తెలుగులో ‘పా.. పా..’ టైటిల్‌తో జెకె ఎంటర్టైన్మెంట్స్‌ బ్యానర్‌పై, నిర్మాత నీరజ కోట విడుదల చేయబోతోన్న విషయం తెలిసిందే. డిసెంబర్ 13న ఈ మూవీని ఆంధ్ర, తెలంగాణలతో పాటు అమెరికా, ఆస్ట్రేలియాలలోని థియేట‌ర్లలో గ్రాండ్‌గా విడుదల చేయబోతున్నారు. ప్రస్తుతం ఈ చిత్ర ప్రమోషన్స్‌ని మేకర్స్ యమా జోరుగా నిర్వహిస్తున్నారు. అందులో భాగంగా తాజాగా ‘పా.. పా..’ మూవీ ట్రైల‌ర్‌ను క్రేజీ డైరెక్టర్, రెబల్ స్టార్ ప్రభాస్‌తో ‘ది రాజా సాబ్’ చిత్రాన్ని తెరకెక్కిస్తోన్న మారుతి విడుదల చేసి.. చిత్రయూనిట్కు శుభాకాంక్షలు తెలిపారు.
Also Read-Megastar Chiranjeevi: వింటేజ్ మెగాస్టార్.. బాసూ, ఆ సీక్రెట్ ఏంటో చెప్పొచ్చుగా
ట్రైలర్ విడుదల అనంతరం డైరెక్టర్ మారుతి మాట్లాడుతూ.. తమిళ సెన్సేషనల్ మూవీ ‘డా..డా’ తెలుగులో ‘పా.. పా..’ పేరిట విడుద‌ల‌వ్వ‌డం సంతోషంగా ఉంది. ఈ సినిమా తెలుగులోనూ బ్లాక్ బస్టర్ అవ్వడం ఖాయమని న‌మ్మ‌కాన్ని వ్య‌క్తం చేశారు. ఈ స‌బ్జెక్ట్ తెలుగు ప్రేక్ష‌కుల‌కు బాగా క‌నెక్ట్ అవుతుంద‌న్నారు. ‘పా.. పా..’ చిత్రయూనిట్కు ముంద‌స్తుగా శుభాకాంక్షలు తెలిపారు. ట్రైలర్ విడుదల చేసి శుభాకాంక్షలు తెలిపిన మారుతికి ‘పా.. పా’ టీమ్ కృతజ్ఞతలు తెలిపింది.
‘పా.. పా’ విషయానికి వస్తే.. గ‌త ఏడాది తమిళంలో ‘డా..డా’ పేరుతో విడుదలైన ఈ మూవీ బాక్సాఫీస్ వద్ద సెన్సేషనల్ హిట్‌గా నిలిచింది. కవిన్, అపర్ణ దాస్ ప్ర‌ధాన పాత్ర‌దారులుగా, డైరెక్టర్ గణేష్ కె బాబు తెర‌కెక్కించిన ‘డా..డా’ చిత్రం తమిళ ఆడియన్స్‌ని విప‌రీతంగా ఆకట్టుకుంది. కోలీవుడ్ ఇండ‌స్ట్రీలో డిస్ట్రిబ్యూట‌ర్‌ల‌కు కాసుల వ‌ర్షం కురిపించింది. చాలా తక్కువ బ‌డ్జెట్‌తో తెర‌కెక్కిన ఈ సినిమా సుమారు రూ. 30 కోట్లు వసూళ్లు సాధించి బ్లాక్ బస్టర్ విజ‌యాన్ని న‌మోదు చేసుకుంది. తండ్రీ కొడుకుల సెంటిమెంట్‌తో తెరకెక్కి తమిళంలో బ్లాక్ బస్టర్‌గా నిలిచిన ‘డా..డా’ చిత్రం ‘పా.. పా..’ పేరుతో తెలుగు ప్రేక్ష‌కుల‌ను కూడా బాగా ఆక‌ట్టుకుంటుంద‌ని నిర్మాత నీరజ కోట తెలిపారు. భావోద్వేగం, ప్రేమ, కామెడీ.. ఇవ‌న్నీ సరైన స్థాయిలో మిక్స్ చేసిన ఈ ఫీల్ గుడ్ ఎమోష‌న‌ల్ డ్రామా.. తెలుగు ప్రేక్ష‌కుల‌కు సైతం బాగా క‌నెక్ట్ అవుతుంద‌ని, బ్లాక్ బస్టర్ అవ్వడం ఖాయమని అన్నారు. తెలుగు రాష్ట్రాల్లో ఎంజీఎం సంస్థ నుంచి అచ్చిబాబు ఈ చిత్రాన్ని విడుదల చేయబోతున్నట్లుగా ఆమె చెప్పుకొచ్చారు.