Bharateeyudu 2: ఇరవై నిముషాలు ట్రిమ్ చేసినా చూడని జనాలు

కమల్ హాసన్, దర్శకుడు శంకర్ కాంబినేషన్ లో వచ్చిన 'భారతీయుడు 2' మొదటి రోజు మొదటి షో నుండే నెగటివ్ టాక్ బయలుదేరింది. అవినీతి, లంచం నేపధ్యంగా వచ్చిన ఈ సినిమా నిడివి మూడు గంటలు వుంది. అయితే మొదటి రోజు తరువాత ప్రేక్షకులు ఈ చిత్ర నిడివి మరీ ఎక్కువగా ఉందని, ఇందులో చాలా సన్నివేశాలు డ్రాగ్ చేశారని విమర్శలు రావటంతో ఈ సినిమా 20 నిముషాల పాటు నిడివి తగ్గించినట్టుగా తెలిసింది. (Despite Bharateeyudu 2 trimmed by 20 minutes, the film didn't do well at the box office)

అయినా కూడా సినిమాలో విషయం లేనప్పుడు ఎన్ని నిముషాలు తగ్గించినా ఆ ప్రభావం మాత్రం సినిమా కలెక్షన్స్ పై ఎటువంటి ప్రభావాన్ని చూపించలేకపోయాయి. ఈ సినిమాలో కమల్ హాసన్ తో పాటు, సిద్ధార్థ్, రకుల్ ప్రీత్ సింగ్, ప్రియ భవానీ శంకర్, గుల్షన్ గ్రోవర్, జాకిర్ హుస్సేన్, బాబీ సింహా ఇలా చాలామంది నటీనటులు వున్నారు. (Bharateeyudu 2 flop is a big jolt to Lyca productions as this is one of the high budget film, says a source)

28 ఏళ్ల క్రితం తీసిన 'భారతీయుడు' సినిమాకి సీక్వల్ గా వచ్చిన ఈ 'భారతీయుడు 2' కథా నేపధ్యం కూడా లంచం, అవినీతిల పైనే కథానాయకుడి పోరాటం. అయితే అది చెప్పే విధానంలో దర్శకుడు శంకర్ పూర్తిగా విఫలం అయ్యారు అని విమర్శకుల అభిప్రాయం. ఈ సినిమా ఒక్క తెలుగులోనే కాకుండా, అన్ని భాషల్లో కూడా ఘోరంగా విఫలం అయింది అని అంటున్నారు. ఈ సినిమాలో కొత్తదనం లేదని, భావోద్వేగాలు కరువయ్యాయని, భారతీయుడు మళ్ళీ రావాల్సిన సమయం ఆసన్నమైంది అనే విషయాన్ని శంకర్ బలంగా చెప్పలేకపోయారని అంటున్నారు. (Kamal Haasan and Shankar combination film Bharateeyudu 2 is declared a flop in all languages, says trade pandits)

ఏమైనా ఒకప్పటి దర్శకుడు శంకర్ కి, ఇప్పటి శంకర్ కి తేడా కొట్టొచ్చినట్టు కనపడుతోంది అని కొందరంటున్నారు. శంకర్ తన మ్యాజిక్ టచ్ పోగొట్టుకున్నారా అని కూడా అంటున్నారు. ఈ సినిమాని లైకా సంస్థ చాలా పెద్ద బడ్జెట్ లో తీసింది. ఈ సినిమాకి ఇంకో సీక్వల్ 'భారతీయుడు 3' కూడా వస్తోంది, అది వచ్చే సంవత్సరం విడుదలవుతుంది.