కామెడీ ఎంటర్‌టైనర్‌
ABN, Publish Date - Nov 15 , 2024 | 03:37 AM
నివాస్‌, అమితశ్రీ జంటగా నటించే ‘తెలియదు.. గుర్తులేదు.. మర్చిపోయా’ చిత్రం షూటింగ్‌ గురువారం హైదరాబాద్‌లోని రామానాయుడు స్టూడియోలో మొదలైంది. వెంకటేశ్‌ వీరవరపు దర్శకత్వంలో...
నివాస్‌, అమితశ్రీ జంటగా నటించే ‘తెలియదు.. గుర్తులేదు.. మర్చిపోయా’ చిత్రం షూటింగ్‌ గురువారం హైదరాబాద్‌లోని రామానాయుడు స్టూడియోలో మొదలైంది. వెంకటేశ్‌ వీరవరపు దర్శకత్వంలో శరత్‌ చెన్నా నిర్మిస్తున్నారు. పృథ్వీపై చిత్రీకరించిన ముహూర్తపు షాట్‌కు సంగీత దర్శకుడు ఆర్‌.పి.పట్నాయక్‌ కెమెరా స్విచ్‌ఆన్‌ చేయగా, నటుడు రఘుబాబు తొలి క్లాప్‌ ఇచ్చారు. ఈ సందర్భంగా పృథ్వీ మాట్లాడుతూ ‘ఇందులో ఓ ఇంట్రెస్టింగ్‌ రోల్‌ చేశాను. ఏ పాత్రకు ఎవరు సరిపోతారో వారినే తీసుకుని నిర్మిస్తున్నారు. నిర్మాత శరత్‌ బాగా చదువుకున్న వ్యక్తి. ఎంతో ప్యాషన్‌తో ఈ సినిమా తీస్తున్నారు’ అని చెప్పారు. ఇది పుల్‌లెంగ్త్‌ కామెడీ ఎంటర్‌టైనర్‌ అని దర్శకుడు వెంకటేశ్‌ చెప్పారు. 18 నుంచి రెగ్యులర్‌ షూటింగ్‌ ప్రారంభిస్తున్నట్లు నిర్మాత శరత్‌ తెలిపారు. వినోద్‌కుమార్‌, రఘుబాబు, జెమిని సురేశ్‌, భరద్వాజ్‌, ఖయ్యూం ఇతర ముఖ్య తారాగణం.