మామయ్య ఆశీస్సులు

సాయిదుర్గ తేజ్‌ తెలుగు చిత్రపరిశ్రమలో తన పదేళ్ల ప్రయాణం పూర్తి చేసుకున్నారు. ఆయన నటించిన తొలి చిత్రం ‘పిల్లా నువ్వు లేని జీవితం’ 2014 నవంబర్‌ 14న విడుదలైంది. ఇక అప్పటినుంచి...

సాయిదుర్గ తేజ్‌ తెలుగు చిత్రపరిశ్రమలో తన పదేళ్ల ప్రయాణం పూర్తి చేసుకున్నారు. ఆయన నటించిన తొలి చిత్రం ‘పిల్లా నువ్వు లేని జీవితం’ 2014 నవంబర్‌ 14న విడుదలైంది. ఇక అప్పటినుంచి వరుసగా సినిమాలు చేస్తూ హీరోగా తన స్థాయిని పెంచుకున్నారు సాయిదుర్గా తేజ్‌. తన మేనమామ పవన్‌కల్యాణ్‌తో కలసి ‘బ్రో’ చిత్రంలో నటించి తన కల నెరవేర్చుకున్నారు. రోడ్‌ యాక్ష్సిడెంట్‌ తర్వాత మళ్లీ కొత్త జీవితాన్ని పొందిన సాయిదుర్గా తేజ్‌ ‘విరూపాక్ష’తో హిట్‌ కొట్టారు. ‘బ్రో’ తర్వాత కొంత గ్యాప్‌ తీసుకుని ఇప్పుడు తన 18వ చిత్రంలో నటిస్తున్నారు. భారీ బడ్జెట్‌తో రూపుదిద్దుకుంటున్న ఈ సినిమా నిర్మాణం శరవేగంతో జరుగుతోంది. తన పదేళ్ల సినీ జీవితం పూర్తయిన సందర్భంగా సాయిదుర్గా తేజ్‌ గురువారం సాయంత్రం మంగళగిరిలో మామయ్య పవన్‌కల్యాణ్‌ను కలసి ఆశీస్సులు పొందారు.