ఉత్కంఠ భరిత ప్రేమకథ

పవన్‌ శంకర్‌, యాని హీరో, హీరోయిన్లుగా దర్శకుడు జి.ఎం.నాయుడు తెరకెక్కిస్తున్న చిత్రం జిపిఎల్‌(గాడ్స్‌ ప్రీమియర్‌ లీగ్‌). అల్లు సాయి లక్ష్మణ్‌ నిర్మాత. ఈ చిత్రం పూజా కార్యక్రమాలు హైదరాబాద్‌లో నిర్వహించారు. ఈ సందర్భంగా డైరెక్టర్‌ జి.ఎం.నాయుడు మాట్లాడుతూ‘ పవన్‌ కళ్యాణ్‌ అభిమానిగా ఈ సినిమాను తెరకెక్కిస్తున్నా. జిపిఎల్‌ టైటిల్‌ ఈ కథకు సరిగ్గా సరిపోతుంది. మనం పైన ఉన్న భగవంతుడి ఆదేశాల మేరకు నడుస్తాము అనే పాయింట్‌తో ఈ సినిమా కథాంశం ఉండబోతుంది’ అని తెలిపారు. నిర్మాత అల్లు సాయి లక్ష్మణ్‌ మాట్లాడుతూ‘ అన్ని వర్గాల ప్రేక్షకులను అలరించే విధంగా ఈ చిత్రం ఉంటుంది. లవ్‌ ఇన్వెస్టిగేషన్‌ సస్పెన్స్‌ థ్రిలర్‌గా రూపొందుతున్న ఈ సినిమా షూటింగ్‌ సింగిల్‌ షెడ్యూల్‌లో పూర్తిచేయబోతున్నాం’ అని చెప్పారు. తనికెళ్ల భరణి, హెబ్బాపటేల్‌, బ్రహ్మాజీ, నాగ మహేష్‌, నవీన్‌ ముఖ్య పాత్రల్లో నటిస్తున్నారు.