Shraddha Kapoor: 'స్త్రీ 2’ లేటెస్ట్‌ న్యూస్‌ ఇదే!

ఇటీవల బాలీవుడ్‌లో విడుదలై భారీ విజయాన్ని సొంతం చేసుకోవడమే కాకుండా కోట్లల్లో వసూళ్లు రాబట్టిన చిత్రం 'స్త్రీ 2’. శ్రద్థా కపూర్‌, రాజ్‌ కుమార్‌ రావు జంటగా నటించారు. ఈ సినిమా విజయం శ్రద్ధాకపూర్‌ (Shraddha Kapoor) మాట్లాడారు. కథ వినగానే ఎంతో ఆశ్చర్యపోయానని చెప్పిన ఆమె వెంటనే ఓకే చేశానన్నారు.  ఇంకా చెబుతూ ‘స్త్రీ ’ చూసినప్పుడు ఇలాంటి సినిమా ఇప్పటి వరకు చూడలేదే అనిపించింది. దాని సీక్వెల్‌ కోసం నన్ను సంప్రదించగానే ఆశ్చర్యపోయా. చాలా మంచి వినోదాత్మక చిత్రం. మొదటి భాగానికి మించిన ఆదరణ ‘ స్త్రీ  2’ సినిమాకు లభించింది. దీన్ని ఇంత గొప్పగా తెరకెక్కించినందుకు దర్శక నిర్మాతలను అభినందించాలి. ఈ విజయం మా టీమ్‌ అందరికీ సొంతం. మంచి  స్క్రిప్ట్ కు వస్తే ప్రేక్షకులు ఎప్పుడూ ఆదరిస్తారని మరోసారి రుజువైంది. మూడో పార్ట్‌లో దీనికి మించిన ఎంటర్‌టైన్‌మెంట్‌ ఉంటుంది. ప్రస్తుతం ఆ పనులు కూడా ప్రారంభమయ్యాయి. అందులో చాలా డెవలప్‌మెంట్స్‌ చేశారు’’ అని అన్నారు.

 

2018లో శ్రద్థాకపూర్‌, రాజ్‌కుమార్‌ రావు కాంబినేషన్‌లో వచ్చిన ‘ స్త్రీ ’కి సీక్వెల్‌గా ఈ చిత్రం రూపొందింది. హారర్‌ కామెడీగా ఈ సినిమా ఈ ఏడాది ఆగస్టు 15న బాక్సాఫీసు ముందుకొచ్చింది. చందేరీ గ్రామంలో ‘స్త్రీ’ సమస్య తొలగిందని అందరూ ఊపిరి పీల్చుకునేలోగా ‘సర్కట’తో కొత్త సమస్య మొదలవుతుంది. గ్రామంలో మోడ్రన్‌గా ఉండే అమ్మాయిలను ఇబ్బందులు పెడుతుంటాడు సర్కట. ఈ సమస్యను విక్కీ (రాజ్‌ కుమార్‌ రావ్‌), రుద్ర (పంకజ్‌ త్రిపాఠి), జన (అభిషేక్‌ బెనర్జీ), బిట్టు (అపర్‌ శక్తి )తో పాటు శ్రద్థా కపూర్‌ ఎలా ఎదుర్కొంటారు? అన్న కథాంశంతో తెరకెక్కిన ‘ స్త్రీ  2’ అన్ని వర్గాల ప్రేక్షకులను ఆకట్టుకున్న సంగతి తెలిసిందే!