Shikhar Pahariya: జాన్వీ నటకు శిఖర్‌ ఫిదా.. ఇది కల కాదుగా
ABN , Publish Date - Sep 28 , 2024 | 05:18 PM
ఎన్టీఆర్‌, జాన్వీ కపూర్‌ జంటగా నటించిన చిత్రం ‘దేవర’. శుక్రవారం ప్రేక్షకుల ముందుకొచ్చిందీ చిత్రం. తాజాగా దీనిని జాన్వీకపూర్‌ బాయ్‌ఫ్రెండ్‌ శిఖర్‌ పహరియా వీక్షించారు. జాన్వీ యాక్టింగ్‌కు ఆయన ఫిదా అయ్యారు.
ఎన్టీఆర్‌, జాన్వీ కపూర్‌ (Janhvi kapoor) జంటగా నటించిన చిత్రం ‘దేవర’. శుక్రవారం ప్రేక్షకుల ముందుకొచ్చిందీ చిత్రం. తాజాగా దీనిని జాన్వీకపూర్‌ బాయ్‌ఫ్రెండ్‌ శిఖర్‌ పహరియా (Shikhar Pahariya) వీక్షించారు. జాన్వీ యాక్టింగ్‌కు ఆయన ఫిదా అయ్యారు. స్క్రీన్ ప్రజెన్స్‌కు మైమరిచిపోయారు. ఈ విషయాన్ని తెలియజేస్తూ ‘దేవర’ నుంచి జాన్వీకపూర్‌ ఫొటో షేర్‌ చేసి ‘‘నేనేమైనా కలలో ఉన్నానా?’’ అని కామెంట్‌ చేశారు. ప్రస్తుతం ఇది నెటిజన్ల దృష్టిని బాగా ఆకర్షిస్తోంది. మీ రిలేషన్‌ గురించి త్వరగా అనౌన్స్‌ చేయండి అంటూ నెటిజన్లు కామెంట్‌ చేస్తున్నారు. మహారాష్ట్ర మాజీ సీఎం సుశీల్‌కుమార్‌ షిండే మనవడు శిఖర్‌తో జాన్వీ డేటింగ్‌లో ఉన్నట్లు కొన్ని నెలలుగా ప్రచారం జరుగుతోంది. వీరిద్దరూ కలిసి రెండు మూడు సార్లు తిరుమల కూడా వెళ్లారు. ‘మైదాన్‌’ ప్రమోషన్స్‌లో అతడి నిక్‌నేమ్‌తో కూడిన నెక్లెస్‌ను జాన్వీ ధరించడంతో ఆ వార్తలకు బలం చేకూరింది.
‘కాఫీ విత్‌ కరణ్‌’ కార్యక్రమంలో.. ‘మీ స్పీడ్‌ డయిల్‌ లిస్ట్‌లో ఎవరి ఫోన్‌ నంబర్లు ఉంటాయి?’ అని హోస్ట్‌ ప్రశ్నించగా తన తండ్రి, చెల్లి, శిఖర్‌ పేరు చెప్పారు జాన్వీ. ఫ్లోలో ఆమె ఆ పేరు చెప్పడంతో వీరిద్దరి మధ్య మంచి రిలేషన్‌ ఉందని పలువురు అభిప్రాయం వ్యక్తంచేశారు. కొరటాల శివ దర్శకత్వం వహించిన పక్కా యాక్షన్‌ డ్రామా ఇది. ఇందులో జాన్వీకపూర్‌ తంగం పాత్రలో కనిపించారు. సైఫ్‌ అలీఖాన్‌ ప్రతినాయకుడిగా నటించారు. ఎన్నో అంచనాల మధ్య విడుదలైన ఈ చిత్రం ప్రపంచ వ్యాప్తంగా మొదటి రోజు 172 కోట్లు వసూళ్లు రాబట్టినట్లు మేకర్స్ పోస్టర్ విడుదల చేసారు.