Salman Khan: దుబాయ్‌కి సల్మాన్ ఖాన్.. ఫ్యాన్స్ కలవరం
ABN , Publish Date - Oct 27 , 2024 | 07:28 PM
బెదిరింపుల మధ్యే సల్మాన్ బిగ్‌బాస్‌తో పాటు పలు సినిమాల షూటింగ్‌కి హాజరయ్యారు. తాజాగా ఆయన దుబాయ్‌కి వెళ్తున్నట్లు సమాచారం అందింది. దీంతో ఫ్యాన్స్ కలవరపడుతున్నారు. ఇంతకీ సల్మాన్ దుబాయ్ ఎందుకు వెళ్తున్నాడంటే..
ప్ర‌స్తుతం మ‌న దేశంలో హాట్ టాపిక్‌గా ఉన్న అంశం ఏదైనా ఉందా అంటే అది సల్మాన్ ఖాన్ (Salman Khan) విష‌య‌మే అని చెప్పాలి. ఇటీవ‌ల ముంబైలో ఎన్సీపీ పార్టీ లీడ‌ర్ సిద్ధిఖీ హ‌త్య నేప‌థ్యంలో ఈ విషయం ప్రాధాన్య‌త‌ను సంత‌రించుకుంది. పైగా ఆ హ‌త్య మేమే చేశామంటూ బిష్ణోయ్(Lawrence Bishnoi) గ్యాంగ్ ప్ర‌క‌టించ‌డం దేశవ్యాప్తంగా హై అలర్ట్ ఏర్ప‌డేలా చేసింది. ఇప్ప‌టికే లారెన్స్ బిష్ణోయ్ గ‌త కొంత‌కాలంగా స‌ల్మాన్‌ఖాన్‌ను బెదిరించ‌డం, ఒక‌టి రెండు సార్లు దాడి ప్ర‌య‌త్నాలు చేసిన క్రమంలో సల్మాన్ ఖాన్ భద్రత కట్టదిట్టం చేసిన విషయం తెలిసిందే. అయితే బెదిరింపుల మధ్యే సల్మాన్ బిగ్‌బాస్‌తో పాటు పలు సినిమాల షూటింగ్‌కి హాజరయ్యారు. తాజాగా ఆయన దుబాయ్‌కి వెళ్తున్నట్లు సమాచారం అందింది. ఇంతకీ సల్మాన్ దుబాయ్ ఎందుకు వెళ్తున్నాడంటే..
బిగ్ బాస్ తోపాటు సల్మాన్ పలు రియాలిటీ షోస్‌కి హోస్ట్ పనిచేస్తున్న విషయం తెలిసిందే. తాజాగా ఆయన ‘దబాంగ్ రీలోడెడ్’ షో షూట్ కోసం దుబాయ్ వెళ్తున్నాడు. సల్మాన్ ఖాన్‌తో పాటు జాక్వెలిన్ ఫెర్నాండెజ్, సోనాక్షి సిన్హా, సునీల్ గ్రోవర్, అస్తా గిల్, మనీష్ పాల్ కూడా ఈ వేడుకలో పాల్గొననున్నారు. డిసెంబర్ 7న ఈ షో ప్రారంభం కానుంది. దుబాయ్ హార్బర్‌లో ఈ షో జరగనుంది. ప్రస్తుతానికి ఈ షో టికెట్స్ సేల్ ప్రారంభమైనట్లు తెలుస్తోంది. బెదిరింపుల మధ్యే సల్మాన్ షూటింగ్ కి హాజరవుతుండటంతో ఫ్యాన్స్ కలవరపడుతూనే మద్దతు తెలుపుతున్నారు.
ఈక్ర‌మంలో సల్మాన్ త‌న భద్రత నిమిత్తం.. గతేడాది నిస్సాన్ బ్రాండ్‌కు చెందిన బులెట్ ప్రూఫ్ వాహనాన్ని కొనుగోలు చేయగా.. ఇప్పుడు రెండవ బుల్లెట్ ప్రూఫ్ వాహనాన్ని తీసుకోవాలని యోచిస్తున్నట్లు సమాచారం. మ‌న ఇండియ‌న్ మార్కెట్‌లో ఈ నిస్సాన్ పెట్రోల్ కారు అందుబాటులో లేని క్రమంలో సల్మాన్ ఖాన్ గ‌తంలో దుబాయ్ నుంచి ఈ కారును దిగుమతి చేసుకోవలసి వచ్చింది. మ‌రోమారు సల్మాన్ దుబాయ్ నుంచే రెండవ బుల్లెట్ ప్రూఫ్ కారును కూడా ఇంపోర్ట్ చేసుకునేందుకు సన్నాహాలు చేస్తున్నాడు.