Mirzapur: మతిపోయే అప్డేట్.. ఈ సారి టార్గెట్ సిల్వర్ స్క్రీన్
ABN , Publish Date - Oct 28 , 2024 | 01:24 PM
'మీర్జాపూర్' సిరీస్ మేకర్స్ నుండి వచ్చిన ఒక సూపర్ అప్డేట్ అభిమానులను పిచ్చెక్కిస్తోంది. ఇంతకీ ఆ అప్డేట్ ఏంటంటే..
'మీర్జాపూర్' (Mirzapur) ఇండియన్ ఓటీటీలో ఒక పెను సంచలనం సృష్టించిన వెబ్ సిరీస్. కాలీన్‌ భయ్యా పాత్రలో పంకజ్ త్రిపాఠి, గుడ్డు భయ్యా పాత్రలో అలీ ఫజల్, మున్నా భయ్యా పాత్రలో దివ్యేందు శర్మ అదరగొట్టిన ఈ సిరీస్ మూడు సీజన్లతో సూపర్ సక్సెస్ అందుకుంది. అయితే సిరీస్ మేకర్స్ నుండి వచ్చిన ఒక సూపర్ అప్డేట్ అభిమానులను పిచ్చెక్కిస్తోంది. ఇంతకీ ఆ అప్డేట్ ఏంటంటే..
'మీర్జాపూర్ ది ఫిల్మ్' (Mirzapur The Film).. అవును మీరు కరెక్ట్‌గానే చదివారు. ఈ సూపర్ డూపర్ సక్సెల్ ఫుల్ వెబ్ సిరీస్‌ని ఇప్పుడు సినిమాగా తెరకెక్కిస్తున్నారు. ఈ విషయాన్ని చిత్ర నిర్మాతల్లో ఒకరైన బాలీవుడ్ స్టార్ యాక్టర్, ప్రొడ్యూసర్ ఫరాన్ అక్తర్ స్వయంగా తన సోషల్ మీడియా అకౌంట్ నుండి పోస్ట్ చేశారు. 'మీర్జాపూర్ ది ఫిల్మ్' పేరుతో విడుదల చేసిన వీడియోలో పంకజ్, అలీ, దివ్యేందు సినిమా అప్డేట్ గురించి చెప్తుంటే.. బాడీలో గూస్ బంప్స్ వచ్చాయి. ఇప్పటి వరకు ఈ సిరీస్‌లో ప్రధాన పాత్రల్లో నటించిన నటి నటులే ఈ సినిమాలో కొనసాగుతుండగా.. డైరెక్టర్‌గా కూడా పునీత్ కృష్ణ, రైటర్‌గా గుర్మీత్ సింగ్‌లు కొనసాగనున్నారు. దీంతో మీర్జాపూర్ ఫ్యాన్స్ ఆనందానికి అవధాలు లేకుండా పోయాయి. కాగా ఫరాన్‌తో పాటు అమెజాన్ స్టూడియోస్ ఈ సినిమాని నిర్మిస్తుంది. త్వరలోనే షూటింగ్ ప్రారంభం కానుంది.