Animal Park: యాక్షన్‌తోపాటు మరింత క్రూరంగా..
ABN , Publish Date - Nov 09 , 2024 | 02:50 PM
'యానిమల్‌' చిత్రానికి సీక్వెల్‌గా ‘యానిమల్‌ పార్క్‌’ రానుందని అప్పుడే ప్రకటించారు. తాజాగా ఈ చిత్రం గురించి నిర్మాత భూషణ్‌కుమార్‌ అప్‌డేట్‌ ఇచ్చారు.
రణ్‌బీర్‌ కపూర్‌ (Ranbir kapoor), సందీప్‌ వంగా (Sandeep Reddy Vanga) కాంబినేషన్‌లో గతేడాది విడుదలైన యానిమల్‌ చిత్రం భారీ విజయం సాధించిన సంగతి తెలిసిందే కలెక్షన్ల వర్షం కురిపించింది. దీనికి సీక్వెల్‌గా ‘యానిమల్‌ పార్క్‌’ (Animal park) రానుందని అప్పుడే ప్రకటించారు. మొదటి భాగం సీక్వెల్‌ ఉందంటూ దర్శకుడు వెల్లడించారు. తాజాగా ఈ చిత్రం గురించి నిర్మాత భూషణ్‌కుమార్‌ అప్‌డేట్‌ ఇచ్చారు.
‘సందీప్‌ వంగా ప్రస్తుతం ‘స్పిరిట్‌’తో బిజీగా ఉన్నారు. అది పూర్తయిన తర్వాత ‘యానిమల్‌ పార్క్‌’ పనులు మొదలుపెడతాం. ఆరు నెలల్లో మొదలుపెట్టే అవకాశం ఉంది. ‘స్పిరిట్‌’ పూర్తయిన వెంటనే ‘యానిమల్‌ పార్క్‌’ ఉంటుంది. 2027లో సినిమాను విడుదలల చేస్తాం’ అని భూషణ్‌కుమార్‌ తెలిపారు. మొదటి భాగం కంటే ఇందులో మరిన్ని బలమైన పాత్రలుంటాయి. గతంలో వచ్చిన చిత్రాలకంటే ఎక్కువ థ్రిల్‌ను పంచడమే ‘యానిమల్‌ పార్క్‌’ లక్ష్యం. ఊహించనన్ని యాక్షన్‌ సన్నివేశాలుంటాయి. రణ్‌బీర్‌ కపూర్‌ పాత్ర మరింత క్రూరంగా ఉంటుంది’’ అని సందీప్‌ వంగా తెలిపారు. ప్రస్తుతం రణ్‌బీర్‌ ‘రామాయణ’ షూటింగ్‌లో బిజీగా ఉన్నారు. నితేశ్‌ తివారీ దర్శకత్వంలో రణ్‌బీర్‌ కపూర్‌, సాయిపల్లవి ప్రధాన పాత్రల్లో రూపొందుతున్న చిత్రమిది.