Pawan Kalyan: ఇటలీకి పయనం అయిన పవన్ కళ్యాణ్ దంపతులు, ఫోటోస్ వైరల్

నటుడు, జనసేన (JanaSena) అధినేత పవన్ కళ్యాణ్ (PawanKalyan) తన రాజకీయ, సినిమా పనులను పక్కన పెట్టి ఇటలీ కి పయనం అయ్యారు. హైదరాబాదు విమారాశ్రయంలో పవన్ కళ్యాణ్, భార్య ఆనా ఇద్దరూ కలిసి విమానాశ్రయంలోకి నడుస్తున్న ఫోటోస్, వీడియోస్ వైరల్ అవుతున్నాయి. నాగబాబు (Nagababu) కుమారుడు వరుణ్ తేజ్ (VarunTej), నటి లావణ్య త్రిపాఠి (LavanyaTripathi) తో నావంబర్ 1 వతేదీన ఇటలీ లో వివాహం జరగనున్న సంగతి తెలిసిందే. ఈ వివాహానికి పవన్ కళ్యాణ్ హాజరు అవుతారా లేదా అని అనుకున్నారు కానీ, అతను తన పనులను పక్కన పెట్టి, ఈ వివాహానికి హాజరు అవుతూ వున్నారు.

నిన్న వరుణ్ తేజ్, లావణ్య, నిహారిక కొణిదెల (NiharikaKonidela) ఇటలీ పయనం అయ్యారు. ఈ వివాహానికి మెగా కుటుంబ (MegaFamily) సభ్యులు, అతికొద్దిమంది మిత్రులు హాజరు అవుతున్నారని తెలిసిందే. ఇటలీ లో వివాహం అయినా తరువాత, నవంబర్ 5వ తేదీన పరిశ్రమలోని అతిథిల కోసం ఒక రిసెప్షన్ ఏర్పాటు చేయనున్నారని తెలిసింది. కొంతమంది మెగా కుటుంబ సభ్యులు అప్పుడే ఇటలీ చేరుకున్నారని, మిగతా వాళ్ళు కూడా ఈరోజు రేపటితో చేరుకుంటారని తెలిసింది.

వరుణ్ తేజ్, లావణ్య త్రిపాఠి ప్రేమించుకొని పెళ్లి చేసుకుంటున్నారు. హైదరాబాదులోని నాగబాబు ఇంట్లో కొన్ని నెలల క్రితం నిశ్చితార్ధం జరిగింది. ఇప్పుడు ఇటలీలో వివాహం జరగబోతోంది.